राज्यले दिने ३ लाख पाउँने कुरा नितालाई, कागलाई वेल पाक्यो हर्ष न विष्मत !

घर नै छैन कता मर्मत गर्ने हो ?

| दोलखा

दोलखा बैतेश्वर गाउँपालिका वडा नम्बर ६ नाम्दु खनियाँचौरकी निता घिमिरेको २०७२ सालमा बैशाखमा गएको विनाशकारी भूकम्पले घर मात्रै भत्काएन श्रीमान समेत गुमाउनु परेको थियो । न्यून आर्थिक अवस्था भएको निताको परिवारले दुख-सुख गरेर एउटा घर वनाएका थिए । बैशाख १२मा बस्ने बास पनि गुमाउनु परेको थियो भने भूकम्पकै कारण चिसो र पोषणको अभावले करिब १ वर्षपछिसँगै हातमुख जोड्नका लागि काम गर्ने ४५ वर्षीय श्रीमानको पनि मृत्यु भयो ।

नीता भन्छिन, घर नै छैन कता मर्मत गर्ने हो, सरकारले त मर्मतमा पो नाम पठाएछ ।

भूकम्प गएलगतै नेपाल सकारले तथ्याङक संकलन गर्न प्राविधिक खटायो । पीडित घिमिरेले पनि आफ्नो नाम त लेखाउनु भयो तर अहिलेसम्म निजी आवास बनाउन राज्यले दिने ३ लाख पाउने कुरा कागलाई वेल पाक्यो हर्ष न विष्मत ! भएको छ । दोलखामा ५० हजार निजी आवास वनिसक्दा पनि जीवनमा साथ दिने श्रीमान र दु.ख गरेर वनाएको घर गुमाएकी घिमिरेको नाम पुननिर्माणमा अहिलेसम्म अटाएन । पटकपटक गुनासो सम्बोधनका लागि अरुको नाम आउँदा निताको नाम कहिल्यै आएन ।

राज्यले तेस्रोपटक सम्बोधन गरेको गुनासोमा पुननिर्माणका लागि नाम आउनको सट्टा घर नै नभएकी घिमिरेको प्रवलीकरणमा नाम आएको सुनेर छक्क परेको छ । नीता भन्छिन, घर नै छैन कता मर्मत गर्ने हो, सरकारले त मर्मतमा पो नाम पठाएछ । गुनासो लेखाएर पठाएपछि यो पटक त पक्कै लाभग्राहीको सुचिमा नाम अटाउने आशामा वसेकी घिमिरेले नयाँ घर बनाउनकै लागि गिटी समेत जम्मा गरेको थियो । गिटीमा घाँस उम्रियो तर तीन वर्षसम्म पनि पूर्ण लाभग्राहीमा नाम आएन ।

अहिलेसम्म अस्थायी आवास बनाउन नसकेर अर्काको घरमा वस्दै आएकी निताको घर मर्मतका लागि गुनासोमा नाम आएपछि अन्यौलमा पर्नुभएको छ । आप्नो पुरानो भत्किसकेको घरको कहाँ कसरी मर्मत गर्ने हो ? थाहा छैन् । वल्लो घर पल्लोघर, तल्लो घर वरिपरि सबै नयाँ वने तर सरकारले अनुदान देला र घर बनाउँला भन्ने आशामा रहेकी पीडित घिमिरेको नभएको घर मर्मतमा पो नाम आयो ।

१० वर्षदेखि १५ वर्षसम्ममा ४ छोराछोरी छन् । लालन पालन र पठनपाठनको जिम्मेवारी पूरा गर्न नसकेर एक छोरी अरुको घरमा काम गर्न राख्नुपर्ने वाध्यता सुनाइन् ।

अहिले त घर बनाउने आशा पनि सकियो अब के गर्ने ? स्थानीय सरकार गाउँ गाउँमा आयो भन्छन् तर हाम्रा लागि कसैले केही गरेनन,निताको दुखेसो छ । घिमिरेको परिवारले घर मर्मतका लागि नेपाल सरकारबाट १ लाख पाउनेछ । तर कमाउने श्रीमान गुमाएकी घिमिरेलाई एक लाख रकमले भत्किएको घर पन्छाउनै पुग्दैन । कमाउने भए त घर बनाउन आँट गर्न सक्थे होला ? घिमिरेसँग अहिले नै घर बनाउन सक्ने आँट समेत छैन् । सासूससुरा छुट्टै बसेका छन्, सबैको घर वनिसक्यो । तर ५ जनाको निताको परिवार छिमेकीको घरमा आश्रय लिएर वसेका छन् । बैशाखको अन्तिमसम्ममा आफ्नै भग्नावशेष घरमा राहतमा पाएको पालबाट घामपानी छेल्दै वसेका परिवार वस्न नहुने भएपछि छिमेकमा वस्दै आएका हुन् ।

यता वैत्यश्वर गाउँपालिका उपाध्यक्ष रविचन्द्र आर्चायले भने घिमिरे परिवारको समस्या सम्बोधनका लागि तत्काल गाउँपालिकाले पहल गर्नें प्रतिवद्धता व्यक्त गरेको छ ।

प्रतिकृया दिनुहोस्

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

नेपालीले बजार पाएन, अर्बाैको स्याउ भित्रिए

img

नेपालभित्र हुने उत्पादन वस्तुलाई प्राथमिकता दिनको सट्टा विदेशबाट आयात गरेर खाइरहेको छन् ...

रंगीनमय बन्दै गाउँ

img

भूकम्पपछि पुननिर्माणका अधिकांश घरमा जस्तापाता हालेपछि ग्रामीण भेग रङ्गिएका छन् ।  झट्ट हेर्दा ...

पत्रपत्रिका

सबै