समुद्रटारमा बन्यो स्वास्थ्यचौकी

३ रोपनी जग्गा दान

| नुवाकोट

नुवाकोट दुप्चेश्वर गाउँपालिका वडा नं. ६स्थित समुद्रटार स्वास्थ्य चौकीको नवनिर्मित भवन सोमबार उद्घाटन गरिएको छ ।

गाउँपालिका अध्यक्ष योविन्द्रसिहं तामाङको प्रमुख आतिथ्यतामा भएको सो कार्यक्रममा शहरी विकास तथा भौतिक निर्माण बिभाग, डिभिजन कार्यालय नुवाकोटबाट प्राप्त २ करोड रुपैयाँको लागतमा भवन सम्पन्न भएको जानकारी गराइएको थियो । प्रमुख अतिथि अध्यक्ष तामाङले कार्यक्रम सम्बोधन गर्दै भने- ‘गुणस्तरीय स्वास्थ्य सेवा पाउनु जनताको मौलिक हक हो । यो स्वास्थ्यचौकीमा एमबीबिएस डाक्टरहरुबाट गुणस्तरीय सेवा दिने वातावरण बनाउन म लागि पर्नेछु ।’ यस स्वास्थ्य चौकीबाट ओपिडि, बर्थिङ, बाल खोप सेवा, सुरक्षित मातृत्व लगायतका सेवाहरू उपलब्ध हुने भएका छन् ।

कार्यक्रममा विशेष अतिथि गापा उपाध्यक्ष अन्जु आचार्यले सुत्केरी मैत्री र बेबी वारमारको लागि आवश्यक औजार तथा उपकरणहरुको व्यवस्थापन भएको वर्थिङ सेन्टर संचालन गरिने बताए ।

स्वास्थ्य चौकीको स्तरोन्नती गराउन सहयोग पुर्याउने उद्देश्यले स्थानीय समाजसेवी होमबहादुर डंगोल र मेनुका डंगोलले ३ रोपनी जग्गा दान गरेका थिए । यसैगरी समाजसेवी मधुसुदन आचार्य र राधादेवी आचार्यले पनि २ रोपनी जग्गा दान गरेका छन् । उनीहरुलाई प्रमुख अतिथि तामाङले दोसल्ला ओडाइ सम्मानपत्र प्रदान गरिएको थियो । समयमै भवन निर्माण सम्पन्न गरेकोमा व्यवसायी सिद्धार्थ/धनन्जय/मदरल्याण्ड जेभीलाई सधन्यवाद सहित प्रशंसापत्र प्रदान गरिएको थियो ।

कार्यक्रम हेल्थपोष्ट व्यवस्थापन समितिका अध्यक्ष एवं सोही वडाका वडाध्यक्ष किशोर आचार्यको सभापतित्वमा सम्पन्न भएको थियो । कार्यक्रममा वडा नं. ७का वडाध्यक्ष भेषबहादुर सिटौला, वडा नं. ३का वडाध्यक्ष ध्रुवकर केसी अतिथिरहेका थिए ।

प्रतिकृया दिनुहोस्

हात्तिपाइलेको औषधी खुवाइने

img

पाँचथरमा फागुन १५, १६ र १७ गते हात्तिपाइले रोग निबारणको औषधी खुवाइने ...

सुआहराले आमाहरुको स्वास्थ्यमा सुधार

img

पाँचै गाउँपालिकाभित्र रहेका वडाहरुमा हरेक बार खाना चार र सुनौलो एक हजार ...

नाटाङ डाँडामा नि:शुल्क शिविर

img

नुवाकोट दुप्चेश्वर गाउँपालिका- ३ स्थित राउतवेशीको नाटाङ डाँडामा नि:शुल्क आँखा शिविर सम्पन्न ...

३ दिने शिविरमा करिब २ सयको स्वास्थ्य परिक्षण

img

धनकुटा ३ कागतेमा बृहत निशुल्क स्वस्थ्य शिविर सम्पन्न भएको छ । धनकुटा ...

यौन तथा प्रजननसम्बन्धी प्रशिक्षण

img

सर्लाहीको बागमतीमा महिला यौन तथा प्रजनन स्वास्थ्य प्रशिक्षक प्रशिक्षण कार्यक्रम सम्पन्न भएको ...

रसुवा अस्पतालको अध्यक्षमा रामशरण

img

कार्तिक ३० गतेको मन्त्री परिषदको बैठकले अस्पताल विकास समिति गठन आदेश स्वीकृत ...

पत्रपत्रिका

सबै