ग्रेट हिमालयलाई सान क्रिकेट कप उपाधि

| काठमाडाैं

वाइवाई ग्रेट हिमालय क्रिकेट एकेडेमी कागेश्वरी मनोहरा यु –१६ टि–२० सान क्रिकेट कप २०७५ को उपाधी कब्जा गर्न सफल भएको छ ।

कागेश्वरी मनोहरा नगरपालिकाको प्रायोजनमा भएको प्रतियोगिताको फाइनलमा वाईवाई ग्रेट हिमालय क्रिकेट एकेडेमीले नेक्सस एकेडेमी माथि ५ विकेटको जित हात पार्दै उपाधी हात पारेको हो । ग्रेट हिमालयले नगद ३० हजार सहित ट्रफी मेडल र प्रमाण प्राप्त गरे । दोश्रो भएको नेक्ससले नगद २० हजार ट्रफी, मेडल र प्रमाण पत्र प्राप्त गरे ।

कीर्तिपूर क्रिकेट मैदानमा वर्षाले प्रभावित गरेपछि १० ओभरमा झारेको प्रतियोगिताको फाइनलमा टस जितेर ब्याटिङ्ग रोजको नेक्ससले ९.४ ओभरमा पुरै विकेटको क्षतीमा ४४ रनमात्र बनाउन सफल भयो । नेक्ससका शाहिल पटेलले १२ बलमा ११ जोड्नु बाहेक अन्य खेलाडी सस्तैमा आउट भएका थिए ।

ग्रेट हिमालयका विवेक यादवले २ ओभरमा ७ रनका साथ २ विकेट लिए । यस्तै अभिषेक थापाले १.४ ओभरमा ८ रनमा २ विकेट, राम सुरत यादवले २ ओभरमा ४ रन १ विकेट, पियुष के.सी. २ ओभर एक मेडन, ८ रन १ विकेट, विज्ञान गौतम २ ओभर ९ रन एक विकेट लिए ४५ रनको लक्षका साथ प्रतिउत्तरमा उत्रेको वाईवाई ग्रेट हिमालय क्रिकेट एकेडेमीले ९.१ ओभरमा ५ विकेटको क्षतीमा लक्ष पुरा गर्यो । विवेक यादवले १४ बलमा १६ रन र अभिषेक थापाले २५ बलमा १५ रन जोडे ।

नेक्ससका सुभाष बि.क. २ ओभर ५ रन १ विकेट, तृतराज दाशले २ ओभरमा ९ रन १ विकेट, आविश्कार जोशीले २ ओभरमा ११ रन १ विकेट र चिराग शाहीले २ ओभर १२ रन १ विकेट लिए ।

प्रतियोगिताको म्यान अफ द म्याच ग्रेट हिमालयका विवेक यादव घोषित भए । उनले १४ बलमा १६ रन जोड्नुका साथै २ ओभरमा ७ रनका साथ २ विकेट लिए ।

प्रतियोगिताको उत्कृष्ट ब्याट्सम्यान ४ म्याचमा १०१ बलमा ११५ रनका साथ ओएसिसका आईश भट्टराई, उत्कृष्ट बलर ३ म्याचमा ९ विकेट लिएका एञ्जल्स स्पोर्टसका किशोर बोगटी, ईमर्जिङ्ग खेलाडी बालुवाटार क्रिकेट क्लबका प्रतिक पंडित र म्यान अफ दि सेरिज ४ म्याचमा ६ विकेट ६४ रनका साथ ओएसिसका सचिन शर्मा घोषित भए ।

विजयी टिम तथा खेलाडीहरुलाई कागेश्वरी मनोहरा नगरपालिकाकी उपमेएर विन्दु सिंखडा, राष्ट्रिय खेलकुद परिषदका सदस्य उपेन्द्र पौडेल, वडानं. ५का वडा अध्यक्ष तथा नगर प्रवक्ता राजा राम पुढासैनी, वडा सदस्य अष्टलाल श्रेष्ठ, राष्ट्रिय टिम तयारी समितिका प्रमुख अर्जून बि.क., राखेप कर्मचारी संघका अध्यक्ष रञ्जन थापा, क्रिकेटका प्रमुख प्रशिक्ष जगत टमाटालगायतले पुरस्कार वितरण गरेका थिए ।

प्रतिकृया दिनुहोस्

राक्सिरंङ्ग गाउँपालिका रनिङशील गोल्डकप हुने

img

"विकास अनुशासन र गतिशीलता " भन्ने मुल नाराका साथमकवानपुर जिल्लको पश्चिमी राक्सिरङ्ग ...

कराते खेलाडी उज्वललाई तेस्रो गिनिज वर्ल्ड रेकर्ड

img

डिसी महानगर क्षेत्रका कराते खेलाडी उज्वल ठकुरीलाई तेस्रो गिनिज वर्ल्ड रेकर्ड प्राप्त भएको ...

सिरहामा जारी टि ट्वान्टी  क्रिकेटमा प्यारागन र लोटस विजयी

img

सिरहाको लहानमा जारी अन्तर स्कुल टि ट्वान्टी  क्रिकेट प्रतियोगिता भएको दुई खेलमा ...

फाल्गुनन्द गोल्डकप पुष २१ देखि

img

पाँचथरमा विगत दशवर्षदेखि खेलाइँदै आएको फाल्गुनन्द गोल्डकप प्रतियोगिता आउँदो पुष २१ देखी ...

एसिया प्यासिफिक करांँते खेलमा नेपाललाई २ स्वर्ण र ३ कास्य

img

इन्डोनेसियाको राजधानी जकार्तामा सम्पन्न एसिया प्यासिफिक सितोरियो कराँते प्रतियोगितामा नेपालले ५ पदक ...

अन्तर्राष्ट्रिय करातेमा नेपाललार्इ ९ पदक 

img

युएईको आबुधावीमा भएको एकदिने वीनर कप अन्तर्राष्ट्रिय सितोरियो कराते प्रतियोगितामा नेपालले दोस्रो ...

पत्रपत्रिका

सबै