लेखकको आँखामा गुफा गाउँ

| काठमाडाैं

प्राकृतिक सुन्दरताको अनुपम उपहार हो गुफा गाउँ । यो सिन्धुपाल्चोक जिल्ला मेलम्ची नगरपालिका वडा नं. ९ मा पर्दछ । काठमाडौंदेखि ३९ किमीको दुरीमा पर्ने गुफा गाउँ प्राकृतिकले भरिपूर्ण छ ।

आन्तरिक तथा बाह्य पर्यटनको लागि यो एकदमै सुन्दर स्थान हो । पर्यटनको लागि एकदमै सम्भावना रहेको यस गाउँमा जात जातिहरूकाे मिश्रित बसाेवास रहेकाे छ । यहाँ आर्गनिक कृषि खेती गर्छन् । जहाँ आलु, मकै, गहुँ, तरकारी लगायत थरीथरीका उब्जनी हुन्छन् ।

जेठ १२ गते शनिबार एक विहानै एक हुल लेखक, पत्रकार, कवि, साहित्यकारहरुको टोली त्यसतर्फ लागे । जहाँ गुफा गाउँ पर्यटन प्रवद्र्धन समितिद्धारा आयोजित अन्तरक्रिया तथा पत्रकार भेटघाट र त्यस गाउँको प्रचारप्रसार गर्नु थियो ।

पर्यटनको लागि सम्भावना बोकेको यस क्षेत्रलाई प्रचारप्रसारको कमीले ओझेल परेका महसुस गरेका छन् ।

तामाङ पत्रकार संघको संयोजनमा काठमाडौंबाट पुगेका पत्रकार र साहित्यकारको टोलीले गुफा चौर, क्याउलेठाना, नौलिङ्गेश्वर महादेवको अवलोकन गरे । सबैले क्यामेरामा तस्विर कैद गर्नेदेखि आ-आफ्नो शब्दमा त्यहाँका भावहरू उतारेका छन्, प्रस्फुटन गरेका छन् । सबैले सामाजिक सञ्जालमा त्यहाँका तस्विर भरेका छन् । पर्यटनको लागि सम्भावना बोकेको यस क्षेत्रलाई प्रचारप्रसारको कमीले ओझेल परेका महसुस गरेका छन् ।

भर्खरै स्थानीय तहबाट निर्वाचित जनप्रतिनिधि वडा नं. ९ वडाध्यक्ष कमलबहादुर खड्काले पनि यस ठाउँलाई प्रचारप्रसार गर्न अनुरोध गरेका थिए । यस क्षेत्रलाई पर्यटन प्रवद्र्धनमा टेवा पुग्न गुरु योजना बनाएर अगाडि बढाएको उनले सुनाए । उनले भने, प्राकृतिक सौन्दर्यले भरिपूर्ण रमणिय स्थल गुफा क्षेत्र पर्यटनको प्रवल सम्भावना बोकेको ठाउँ भएकाले यसलाई प्रचारप्रसार गर्न सके यस क्षेत्रलाई समृद्ध बनाउन टेवा पुग्ने छ ।

सडक सञ्जाल जोडिदैछ । सडकको स्तरोन्नतिका लागि बजेट व्यवस्थापन पनि भएको वडाध्यक्ष खड्काले जानकारी दिए । सामाजिक, आर्थिक, सांस्कृतिक, राजनैतिक र विकासको दृष्टिकोणले पछि रहेपनि समृद्धिको लागि पर्यटन क्षेत्र ठुलो सम्भावना रहेको नेपाली कांग्रेस क्षेत्रीय सभापति आइतमान तामाङको भनाई छ ।

यहाँबाट जिल्लाकै प्रसिद्ध मेलम्ची, गुफा, ठुलो ओख्रेनी, गोब्रे, हेलम्बु, आमाह्योल्मो, पाँचपोखरी लगायत पुग्न सकिनेछ ।
यहाँका भाषा, कला, धर्म लगायत प्राकृतिक सौन्दर्य उत्तिकै आकर्षक छ । यस क्षेत्र पदयात्राका लागि मात्रै नभएर अध्ययन केन्द्र पनि हो, स्थानीय बताउँछन् ।

यस क्षेत्रलाई पर्यटन प्रवद्र्धनमा स्थानीय जनप्रतिनिधि, नगरपालिका र पर्यटन बोर्डले जोड दिए समृद्धितर्फ उन्मुख हुनेछ ।

प्रतिकृया दिनुहोस्

काठमाडौमा नै निकुञ्ज  पीडित

img

वनस्पति, वन्यजन्तु, भूदृश्यहको संरक्षणका लागि स्थापना भएका राष्ट्रिय निकुञ्ज का नीतिहरु नागरिकमैत्री ...

शैलुङको कोसेली छुर्पी

img

यो गीतको सिर्जना गर्दा सर्जक श्रवण मुकारुङले सायदै सोचेका थिएनन् । गीतमा ...

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

पत्रपत्रिका

सबै