यात्राको क्षण: बस नं. ७५०४

| काठमाडौं

पासाङल्हामु राजमार्ग । यो नुवाकोट, रसुवाको नाकासम्म जोडिने सडकमार्ग हो । यहाँ दिनहुँ सयौं सवारीसाधन गुडिरहेका हुन्छन् । यात्रु बोक्नेदेखि केरूङ नाकासम्म पुगेर आउने सवारी यही सडकमा दिनहुँ आवातजावत हुन्छ । सडक फराकिलो हुँदै गरेकाले पानी पर्दा हिलम्मे, घाम लाग्दा धुलम्मे छन् । त्यसैमा बस दौडिरहेको छ, यात्रारत छन् यात्रुहरू । यात्रा एक दिनको थियो । काठमाडौंदेखि नुवाकोटस्थित किस्पाङ गाउँपालिका, काहुलेसम्म । काठमाडौं माछापोखरीबाट केरुङ यातायातको टिकट भिरेर लागे ।

केरुङ यातायात नुवाकोट, रसुवालगायतका विभिन्न स्थानमा यात्रुलार्इ सेवा दिने यातायात हो । यो बस डिलक्स नामले परिचित छ । तर नामको मात्रै डिलक्स, सेवा भने उहीँ लोकलसरह लाग्यो मलाई । किनभने सहचालक यात्रु थप्नलार्इ कसेको कसेकै छ, बसभित्र पनि उत्तिकै यात्रुको चाप । मौसम गर्मी भएकोले गुम्सिएर पसिना तप-तप चुहिरहेको छ । तिब्र गतिमा दौडिरहेको बस ओभरटेक गर्न पनि माहिर छन् । गन्तव्य पुग्नलार्इ हतार छ । यात्रु कोही भोमिट गर्दै छन् त, कोही शौच गर्न आतुर छन् ।

बीचबीचमा घुम्ती, मोहाडाहरू त्यतिकै छन् । कति माइक्रो, सुमोजस्ता सा-साना सवारी दुर्घटनामा परेका छन् । यस्तो देख्दा मनमा चिसो लाग्छ, अनि भगवानसँग पुकार्दैछु म ।

यसरी आरोहअवरोह पार गर्दै त्रिशुली बजार पुगे । ओहो ! एक्कासि ३५ डिग्री घामको राप पर्दा पसिनाको खोला बग्न सुरु गर्यो । दिउँसोको भोजन त्यही गरे । फेरि यहीबाट यात्रु थपे, बालकदेखि बृद्धसम्मका । त्यतिमात्रै नभएर पुनःनिर्माणका लागि त्यही बसमा सामान पनि त्यतिकै थपेका छन् । बसको सिटहरुको नामाकरण गरिएका छन् । महिला सिट, अशक्त, ज्येष्ठ नागरिक इत्यादि । तर बसपार्कदेखि नै सबै टिकट सकिएपछि सकसमै यात्रा गर्न बाध्य छन् ।

यही यात्रालाई अगाडि सार्दै गन्तव्यसम्म आइपुग्दा झन्डै तीन दिन हिडेको महसुस भयो मलार्इ । किनकि धुलम्मे, हिलम्मे, खाल्डाखुल्डी छिचोल्दै आर्इपुग्दा डिलक्सको यात्रा लोकलभन्दा कम भएन ।

यसरी नै यहाँ चल्ने लोकल होस् या डिलक्स अर्थात् सुपर एक्सप्रेस । सबैले दिने सेवा उही लाग्यो मलार्इ । त्यसैले तपार्इ जो यात्रारत छन्, यात्रा गर्न तयार छन्, जसले भगवानको नाम जप्न बाध्य हुनेछ । अहिले यहाँ मात्रै नभएर नेपालको विभिन्न स्थानमा सडक विस्तारको नामले जताततै यस्तै अखडाहरू पार गर्न बाध्य हुन्। । सबैको यात्रा सफल होस् ! जय सडक

प्रतिकृया दिनुहोस्

काठमाडौमा नै निकुञ्ज  पीडित

img

वनस्पति, वन्यजन्तु, भूदृश्यहको संरक्षणका लागि स्थापना भएका राष्ट्रिय निकुञ्ज का नीतिहरु नागरिकमैत्री ...

शैलुङको कोसेली छुर्पी

img

यो गीतको सिर्जना गर्दा सर्जक श्रवण मुकारुङले सायदै सोचेका थिएनन् । गीतमा ...

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

पत्रपत्रिका

सबै