न्यायिक समितिबिना नै फैसला : उपाध्यक्ष मायादेवी न्यौपाने

| नुवाकोट (किस्पाङ)

प्रतिबद्धता, सीप, लगनशीलता र निरन्तरताको अभाव नै असफलता हो । असफलता नै सफलताको आधार र बिन्दु हो । जीवन सङ्घर्षशील छ । जीवन एक चुनौतीपूर्ण पनि छ । यसलार्इ छिचोल्न सके सफलता हासिल गर्न सकिन्छ । करिब साढे दुई दशक राजनीतिक यात्रापश्चात पहिलो स्थानीय निर्वाचनबाट उपाध्यक्षमा निर्वाचित भएकी हुन् मायादेवी न्यौपाने । उनी नेपाली काङ्ग्रेसबाट किस्पाङ गाउँपालिकामा निर्वाचित कुशल, सक्षम र सामाजिकमैत्री जनप्रतिनिधि हुन् । उनी वि.सं. २०५४ मा साविक काहुले गाविस वडा ९ बाट महिला सदस्यमा निर्वाचित भएकी थिइन् ।

कार्यकालको एक वर्षमा न्यायिक सम्पादन सम्बन्धी विभिन्न मुद्दाहरू स्थानीय तहबाटै मिलाएको अनुभव सुनाइन् । आफू पाको उमेरको पनि भएर पनि होला- ‘जे गर्नुछ, त्यही मात्रै बोल्ने स्वभावले न्यायिक सम्पादन गर्न सकेको अनुभव सुनाइन् ।’ चुनावी घोषणापत्रमा भएको सबै उद्घोष पूरा गर्न नसके पनि सबै जनताको सेवामा अग्रसर रहने बताइन् । सम्भवत: सबै जनताको सेवक र ऋणी भएर काम गर्ने बताइन् ।

गाउँपालिकामा महिलालाई सीप सिकाएर दक्ष र सक्षम बनाउने योजना रहेको उपाध्यक्ष न्यौपाने बताइन् । यहाँको भाैगोलिक बनावटको अाधारमा कफी, अलैंचीलगायतको अनुदानमा जोड दिने उनले बताइन् ।  यसवर्ष धेरै बजेट सडक संजाल विस्तारलाई भएको हुँदा अरुमा पर्याप्त बजेट छैन, तैपनि योजनाअनुरुप कामकारबाही भने अघि बढाइएको कार्य अनुभव सुनाइन् ।

यही गापाभित्र रहेको फिकुरीलाई पर्यटन क्षेत्र बनाएर आन्तरिक तथा बह्या पर्यटक भित्र्याउने गुरु योजना अनुसार सडक संजाल फैलाउने योजना रहेको बताइन् । वडा नं. ५ देखि १ सम्म फिकुरी जाने सडक मार्ग बनाउने र त्यहीँबाट पैदल मार्ग बनाएर पर्यटक भित्र्याउने लक्ष्य रहेको उपाध्यक्ष न्यौपानेले बताइन् । त्रिशुली ३ ‘ए’ र ३ ‘बि’ हाइड्रोपावरले गाउँपालिकालाई समृद्ध बनाउने आधार रहेको सुनाइन् ।

स्वास्थ्य, शिक्षा, खानेपानी लगायत सबै व्यवस्थित गर्दै लैजाने उनले बताइन् ।

संघीय संरचनाको प्रारम्भिक चरण भएकोले सिंहदरबार गाउँगाउँमा आएपनि स्थानीय सरकार प्रभावकारी हुन सकेका छैनन् एेन, कानून बन्ने क्रम पनि जारी रहेकाले न्यायिक मामिला समिति बिनानै एक्लैले केश फैसला गर्नुपरेको गुनासो उनले सुनाइन् ।

२०७२ को भूकम्पले तहसनहस बनाएको किस्पाङ तङ्ग्रिदै गरेको छ । अहिले ८२ प्रतिशतको हाराहारीमा आवास निर्माण सकिएको र गुम्बा, मठ मन्दिर, स्कुल लगायत सांस्कृतिक सम्पदा पनि पुनःनिर्माण भइरहेको उपाध्यक्ष न्यौपानेले जानकारी दिइन् ।

(सैलुङअनलाइनले गरेको प्रत्यक्ष कुराकानीमा)

प्रतिकृया दिनुहोस्

काठमाडौमा नै निकुञ्ज  पीडित

img

वनस्पति, वन्यजन्तु, भूदृश्यहको संरक्षणका लागि स्थापना भएका राष्ट्रिय निकुञ्ज का नीतिहरु नागरिकमैत्री ...

शैलुङको कोसेली छुर्पी

img

यो गीतको सिर्जना गर्दा सर्जक श्रवण मुकारुङले सायदै सोचेका थिएनन् । गीतमा ...

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

पत्रपत्रिका

सबै