सम्झनामा माघ १९ को त्यो साँझ

नेपाल पत्रकार महासंघ रौतहटको जिल्ला अधिवेशन थियो । महासचिव महेन्द्र विष्ट प्रमुख अतिथि थिए । छिमेकी जिल्ला भएकाले आतिथ्यताको निम्तो आयो, संयोगले सचिव भए पनि म जाने भए गौर ।

त्यो माघ १९ । तराईमा शितलहरको कहर । अँधेरोमै पुगियो रौतहट । साथीहरु जेरीपुरी खाँदै थिए । केहीबेरमा अधिवेशन उद्घाटन तयारी थियो । दुई जना अध्यक्षका आकांक्षी थिए । एमाले सचिवको चाहना एउटा थियो । अधिवेशन उद्घाटन भयो । अधिवेशन चल्दाचल्दै मोबाइल सेवा बन्द भयो । हल्ला चल्यो, राजाले शासन हातमा लिए, केहीबेरमा यहाँ पनि सेना आउँदैछ । लोकतन्त्र हलाल हुँदै थियो ।

फोन बन्द भयो, घरमा दुई महिना नपुगेको छोरा र पत्नी मात्र छ । उकुसमुकुस भयो । कति आत्तिई होली । हुस्सु र कुहिरोको ठण्डीमा ज्ञानेन्द्रले उत्पादन गरेको सकसले देशैभर समस्या । बाबु हुर्कँदै थियो, खेलौनाको रहर । गौर सीमा बैरगनियाँबाट छोरोलाई गजबको खेलौना बन्दूक किनेको थिएँ, चन्द्रनिगाहपुर नआइपुग्दै बाटोमै सेना प्रहरीले गरेको जाँचमा बरामद भयो । शासन नै राजाको, उनीहरु राजकुमार झैँ प्रस्तुत भइरहेका थिए ।

पछि किशोर दाइले चाइना जाऊ भनेपछि प्रशासनमा गएर राजश्व तिर्दै राहदानी केरमेट गराएँ, जहाँ पेशामा फार्मर केरेर लेखिएको थियोः ‘जर्नालिज्म’

००००
पत्रकारितामा भविष्य केलाउँदै गर्दा ज्ञानेन्द्रले पत्रिका नै जलाइदिए । कहाँ केलाउने भविष्य ? भर्खर विवाह गरेको । काखमा छोरो, समाचार लेखेर ज्यालादारीमा बाँच्न खोज्दा ज्ञानेन्द्रले रगत छाद्ने गरी व्यवस्थामै लात हानेपछि सडकमा उत्रनु, आन्दोलन गर्नु दैनिकी बन्यो तर घरमा चिन्ता । कहिले खुल्ला पत्रिका ? भोकभोकै मरिने पो हो कि ?

हानिनु पर्छ कि विदेश भन्दै बनाइयो राहदानी । लेखियो राहदानीमा पेसाः कृषि । अहिले छोरो एसइइ दिँदैछ । पत्नी भन्छे, ‘राहदानी बनाउन दिइएको पाँच हजार रुपैयाँ फिर्ता नदिने ?’

००००
जनआस्थाका सम्पादक किशोर श्रेष्ठले खबर गर्नु भयो, ‘तिमी छतिवन जानु प¥यो ।’ ओहो, छतिवन जानु पुसमा सगरमाथा जानु भन्दा डरलाग्दो थियो । डेरामा टेलिफोन पनि जोड्न सकेको थिइनँ । मोबाइल त के भो र ? बोक्ने, पैसा तिर्ने न म, सबै नियन्त्रण राज्यकै थियो । सिडिओ थिए मोदराज डोटेल, ज्यान र दिमाग दुवै भएका । हेटौँडाको कर्रापुल, राप्तीपुल, सामरीपुल र माछापोखरीको रिङ बाहिर गयो कि, थाहा पाइहाल्ने, बेलुका सुत्नेबेला सोध्थे, ‘के भइरहेको छ, कतै बाहिर त गइएको छैन है, कसैले बोलाएको त छैन नि ? बोलाए पनि जानकारी गराएर गयो भने मेरो मदत रहन सक्छ है राम ।’ उनले ढाडस दिएका हुन् कि हैरानी ?

मधेस आन्दोलनताका लिची किन्न जाने ठाउँ वीरगञ्ज र रक्सौल बिरानो भए झैँ युद्धकालीन समयमा छतिवन अर्कै राज्य भएको थियो हेटौँडाकै लागि पनि । फागुनको जाडो बाँकी नै थियो । माओवादीका एउटा पत्रकार भेटेर केही जिनिस काठमाडौँ ल्याउनु पर्ने काम लगाउनु भयो सम्पादकले । नजाउँ भातपानी मात्र होइन, यहाँसम्मको परिचय बनाएको त्यही जनआस्थाले । जाउँ पुलिसले समातेर नजरबन्दमा हाल्न पनि सक्छ, माओवादीले समातेर उतै युद्धको भरिया बनाउन पनि सक्छ । दूधेबालक काखमा लिएर बूढा किन विदेश गएन भनेर चिन्ता गरिरहेकीलाई के सुनाउनु यस्ता कुरा ?

हानिनु पर्छ कि विदेश भन्दै बनाइयो राहदानी । लेखियो राहदानीमा पेसाः कृषि । अहिले छोरो एसइइ दिँदैछ । पत्नी भन्छे, ‘राहदानी बनाउन दिइएको पाँच हजार रुपैयाँ फिर्ता नदिने ?’

छतिवन जाने बस चढेँ । चौघडामा उस्तै चेकिङ । बस हुत्तियो छतिवनतिर । हर्नामाडीबाट जंगल हुँदै पुगिन्छ । जंगलमा बस रोकियो, चढे बन्दुकको नालबाट राज्यसत्ता बदल्न हिँडेका सिपाहीहरु । स्पोर्टर्स टिसर्ट र कट्टुमा देखिएका फुर्तिला किशोरी, युवाको जमात देखेर लाग्यो, यिनलाई त ज्यानको माया छैन, म त आज एकदिन न ‘कासन’मा छु । बसमा चढेका सबैलाई नियाल्थे उनीहरु । मै थिएँ नयाँ । हेरे, सायद मेरो हुलिया सेना, पुलिस, सुराकीसँग मिल्थेन, मिलोस् पनि कसरी ख्याउटे पत्रकार, ४९ किलोको ।

प्रतिकृया दिनुहोस्

जसको त्रास र डरमा छन् गाउँ

img

माथि डाँडा, तलतिर खोला बग्ने खहरे । जहाँ हिउँद होस् या बर्खा, ...

छातेढुङ्गाका किसान खुसी

img

तेह्रथुमको आठराई गाउँपालिका साविक छातेढुङ्गाका धनबहादुर तामाङलाई पिठ्यूँमा भारी बोक्दाको पीडा अझै ...

माथिल्लो त्रिशूली-१ आयोजना निर्माण हुने संकेत

img

माथिल्लो त्रिशूली १ (२१६ मेगावाट) जलविद्युत आयोजना बन्ने संकेत मिलेको छ । ...

लोपोन्मुख चेन क्षेबा लोक नाटक सम्पन्न

img

गोसाइकुण्ड गाउँपालिका वडा नं. ५ ठूलो भार्खु गाउँमा लोपोन्मुख चेन क्षेबा लोक ...

नेपाल-भोट युद्धको किल्ला रसुवागढी

img

रसुवागढी प्राचीनकालदेखि नेपाल र भोटबीच चल्ने व्यापारिक मार्गको रुपमा रहिआएको छ । ...

आदिवासी अधिकारको आधारशीला

img

आदिवासी जनजातिका अधिकारलाई सहज र सुव्यवस्थित बनाउन नेपाल सरकारले विभिन्न अन्तर्राष्ट्रिय कानूनहरुको ...

पत्रपत्रिका

सबै