मुहार फेर्दै भुकम्पले थलिएकी शारदा

काभ्रे । २०७२ वैशाख १२ गते गएको विनाशकारी भुकम्प र त्यसपछि आईरहेका पराकम्पनका कारण पुर्ण रूपले खण्डहर बनेको काभ्रे जिल्लाकै ऐतिहासिक एवम् कोशीपारी क्षेत्रकै अग्रणी विद्यालय हो काभ्रेपलाञ्चोक जिल्ला भुम्लु गाउँपालिका वाडा नं ७ फलाँटेमा रहेको शारदा मा.वि. ।

भुम्लु गाउँपालिका वडा नं ७ फलाँटेमा २००८ सालमा स्थापित शारदा मा.वि.ले सहयोगी हातहरूकासाथ र सहयोगमा भुकम्पले थलिएको शारदा मा.वि.ले मुहार फेरिरहेको छ । श्रीलङ्काका मंगल धर्मचक्र बाैद्ध धर्मगुरू यातिवाराना विमलाको सहयोगमा प्रशोधित खानेपानी, युरेनल सिस्टमसहितको शौचालय  र ३ कोठे भवन निर्माण भएसँगै शारदाको मुहार फेरिन थालेको प्राचार्य गुणरत्न उप्रेतीले बताए ।

भुकम्पले खण्डहर बनेको विद्यालयको भग्नावशेष पन्छाउन त के ? भएका साधन र श्रोतको सदुपयोग गरी टहरा निर्माण गर्न कसैले अाँटसमेत नगरेको अवस्थामा नेकपा माओवादी केन्द्रको टोलीले भग्नावशेष पन्छाउन र विद्यालयमा भएको साधन र श्रोतको प्रयोग गरी टहरा निर्माण गरेर देखायो । भुकम्पले थलिएको शारदाले नेकपा माओवादी केन्द्रलाई धन्यवाद बाहेक केही दिन नसकेको बताउँछन् – प्राचार्य  उप्रेती । उनी थप्छन् – यसको मुख्य श्रेय नेकपा माओवादी केन्द्र, भुम्लु गाउँपालिका संयोजक प्रेम बहादुर भुजेललाई जान्छ । उक्त टोलीमा दिनानाथ शर्मा, सुर्यमान दोङ, लिलामणि पोखरेल, शम्भुलाल श्रेष्ठ र शशी श्रेष्ठ लगायतका  माओवादी नेताहरूको सहभागिता थियो ।

सोही टहरामा विद्यार्थी भाइबहिनी अध्ययन गरिरहेको दृश्यले कसको मन नछोला र ?  तत्कालीन जिल्ला विकास समिति र गाउँ विकास समितिको सहयोगमा बनेको भुइतले पक्की भवनमा बेल्जियमका नागरिक माइक डिककले दयनीय दृश्यकै कारण तला थप्न सहयोग गरिन् । विद्यार्थी भाइबहिनीलाई चाँडै उक्त भवनमा सारेर पठनपाठन गर्ने विद्यालय प्रशासनको सोच रहेको लेखापाल उषा बल तामाङ बताइन् ।

सोही विद्यालयका विज्ञान शिक्षक सुर्यनारायण माझी भन्छन् - विव्यसका अध्यक्ष काशीराम खरेलको सभापतित्वमा विद्यालयकै प्राङ्गणमा भएको एक कार्यक्रममा नमस्ते काठमाडौ, जापानका अध्यक्ष तथा कार्यक्रमका प्रमुख अतिथि रामकृष्ण श्रेष्ठले २ लाख  सहयोगको घोषणा गरेको थियो तर उक्त रकम अहिलेसम्म प्राप्त भइ सकेको छैन । उनी थप्छन् – वहाँले थप सहयोगको लागि समेत पहल गर्ने बताउनु भएको थियो तर सहयोग उपलव्ध हुन सकेको छैन ।

कक्षा १२ सम्म अध्ययन अध्यापन हुने यस विद्यालयमा जिल्ला अायोजजना कार्यान्वयन इकाइ काभ्रेले ६ कोठे पक्की भवन निर्माण गरिरहेको र उक्त भवन यही पुस मसान्तभित्र विद्यालयलाई हस्तान्तरण गरिसक्ने योजना रहेको छ । विद्यालयमा कक्षा १ देखि १२ सम्म करिब २ सय ५० जना विद्यार्थी भाइबहिनी अध्ययन गरिरहेका छन् ।

प्रतिकृया दिनुहोस्

जसको त्रास र डरमा छन् गाउँ

img

माथि डाँडा, तलतिर खोला बग्ने खहरे । जहाँ हिउँद होस् या बर्खा, ...

छातेढुङ्गाका किसान खुसी

img

तेह्रथुमको आठराई गाउँपालिका साविक छातेढुङ्गाका धनबहादुर तामाङलाई पिठ्यूँमा भारी बोक्दाको पीडा अझै ...

माथिल्लो त्रिशूली-१ आयोजना निर्माण हुने संकेत

img

माथिल्लो त्रिशूली १ (२१६ मेगावाट) जलविद्युत आयोजना बन्ने संकेत मिलेको छ । ...

लोपोन्मुख चेन क्षेबा लोक नाटक सम्पन्न

img

गोसाइकुण्ड गाउँपालिका वडा नं. ५ ठूलो भार्खु गाउँमा लोपोन्मुख चेन क्षेबा लोक ...

नेपाल-भोट युद्धको किल्ला रसुवागढी

img

रसुवागढी प्राचीनकालदेखि नेपाल र भोटबीच चल्ने व्यापारिक मार्गको रुपमा रहिआएको छ । ...

आदिवासी अधिकारको आधारशीला

img

आदिवासी जनजातिका अधिकारलाई सहज र सुव्यवस्थित बनाउन नेपाल सरकारले विभिन्न अन्तर्राष्ट्रिय कानूनहरुको ...

पत्रपत्रिका

सबै