नेपाल सम्बत् ११३८ भव्यताकासाथ मनाइने

चित्तरञ्जन नेपालीको संयोजकत्वमा ५३ सदस्यीय समिति गठन

  काठमाडौं । चन्द्रमास अनुसार गणना हुने नेपालको मौलिक, नेपाल सम्बत् ११३८ को स्वागत गर्न सरकारका पूर्व सचिव एवं साहित्यकार चित्तरञ्जन नेपालीको संयोजकत्वमा ५३ सदस्यीय समिति गठन गरिएको छ ।

विहीबार राजधानीमा आयोजना गरिएको सरोकारवालाको वैठकले — समिति गठनसँगै, यस वर्ष नेपाल सम्बत्को शुरुवात् “नेपाल सम्बत्, सवैको सम्बत् — राज्यले नै प्रयोग गर्नुपर्छ, नेपाल सम्बत्” नाराका साथ विभिन्न कार्यक्रम गर्ने निर्णय गरेको छ । 

आगामी कार्तिक ३ गते नेपाल सम्बत् ११३८ शुरु हुँदैछ । यस दिन विहान काठमाडौमा प्रभात फेरीसहित प्रधानमन्त्रीको प्रमुख आतिथ्यतामा मुल कार्यक्रम गर्ने तय भएको छ । 

नेपाल सम्बत् नेवार समुदायको मात्र होइन, नेपालको मौलिक भएकोले यसलाई गैर नेवारले पनि अपनत्व ग्रहण गर्नुपर्छ, यसकालागि विगत बर्षदेखि गैर नेवारलाई पनि समितिमा राखेर जिम्मेबारी दिने गरिएको छ । त्यसै अनुरुप यस बर्ष महानगरको स्थानीय चुनावका प्रत्यासी राजुराज जोशी, कांग्रेसका नेता राजन केसी र एमाले नेता कृष्ण अर्याललाई समितिमा राखिएको छ द। 

त्यस्तै सम्बत्को गरिमा बढाउन तथा यसको भव्य सफलताकालागि आर्थिक, महिला परिचालन, सल्लाहकारलगायतका विभिन्न उपसमिति गठन गरिएका छन् । अन्य समितिहरुमा स्थानीय सामाजिक एवं जातीय संघ संस्था परिचालन, बाजागाजा परिचालन, सञ्चारलगायतका समिति छन् । 

नेपाल सम्बत् र पहिचानका उतारचढाव

वि. सं. ९३६ साल कार्तिक ३ गते शुरु भएको मानिएको नेपाल सम्बत्का विषयमा वि. सं. २०३५ सालसम्म खासै चर्चा भएन । नेपाल मण्डलका सामाजिक अगुवा शंखधर साख्वाले प्रकोपपछि ऋणमा डुबेका किसानहरुलाई ऋण मोचन गरेर त्यसैको खुशीयालीमा यो सम्बत् मनाउन थालिएको भनाइ छ । 

वि. सं. २०३६ सालबाट नेपाल सम्बत्का अवसरमा विभिन्न कार्यक्रम गरी नयाँ बर्ष शुरुवात्का रुपमा मनाउन थालिएको पाइन्छ । नेपाल सम्बत्लाई वि. सं. २०६४ सालमा सरकारले राष्ट्रिय सम्बत्का रुपमा मान्यता दिएको हो । 

सम्बत् शुरुवात् गर्ने शंखधर साख्वालाई वि. सं. २०५६ सालमा राष्ट्रिय विभूति घोषणा गरिएको हो ।  

साख्वा र नेपाल सम्बत्को सम्बन्ध 
शंखधर साख्वाले नदी किनाराबाट उठाएको बालुवा सुन भएको थियो भन्ने कथनसँग केही फरक मत छन् । कहीँ उठाएको बालुवा घरमा पुर्‍याएको ४ दिनपछि सुन भयो भन्ने पाइन्छ भने, कहीँ राजाले साख्वालाई काम गर्न लगाएका थिए, उनी व्यापारी थिए, उनी किसान थिए भन्ने भनाइ, कथनमा पाइएका फरक मत हुन् । यस प्रकारका भनाइमा — उनले सुन प्राप्त गर्ने स्थान तथा विधिमा फरक पाइए पनि प्राप्त सुनबाट ऋणमा डुवेका किसानलाई ऋण मोचन गरिदिएको भनाइमा भने एकरुपता पाइन्छ । यसरी प्राप्त सुनबाट किसानहरु ऋणमुक्त भइसकेपछिको खुशीयालीमा नेपाल सम्बत् शुरु गरिएको बताइन्छ ।

प्रतिकृया दिनुहोस्

सडक मर्मतमा जनप्रतिनिधिसहित स्थानीय

img

काम गर्न सरकारको नै मुख ताक्नु पर्छ भन्ने प्रवृत्तिलाई गतिलो जवाफ दिएका ...

टीकाभैरब-घुसेल सडक शिलान्यास

img

गोदावरी नगरपालिका–९ टीकाभैरबदेखि बागमती गाउँपालिका–१ घुसेलसम्मको बाटो आज गोदावरी नगरप्रमुख गजेन्द्र महर्जन ...

गोदावरीमा अनलाइन सेवा शुरु

img

गोदावरी नगरपालिकाभित्रका १४ वटा वडा तथा नगरपालिका कार्यालयबाट अनलाइन सेवा शुरु भए ...

गोदावरीको घोषणा : आधारभूत तहको शिक्षा सुनिश्चित

img

कोही पनि विद्यालय जाने उमेर समूहका बालवालिकाहरू विद्यालय बाहिर नरहेको प्रतिवेदनको सार्वजनिक ...

धनकुटा बालमैत्री नगर हुने

img

उचित फोहर ब्यावस्थापन तथा देशकै सफा शहरको रुपमा नेपाल सरकारबाट पुरस्कृत भैसकेको ...

भीमेश्वरले विद्यालय बाहिर बालबालिका नरहेको घोषणा

img

दोलखाको भीमेश्वर नगरपालिकालाई शुक्रबार आज एक कार्यक्रममाविच बालबालिका विद्यालय बाहिर नरहेको घोषणा ...

पत्रपत्रिका

सबै