खेल

उद्घाटन खेलमा आयोजक नवलपुर ए विजयी

नवलपुर । नवलपुर युनाइटेड क्लब ए ले भिमटार युवा क्लबलाई ८–१ ले हराउदै पहिलो जित निकालेको छ ।

सिन्धुपाल्चोकको इन्द्रावती गाउँपालिकामा भएको पहिलो जिल्लास्तरीय फुटबल प्रतियोगिताको उद्घाटनमा आयोजक गाउँपालिका अध्यक्ष वंशलाल तामाङले उद्घाटनबाट सुरू भएको थियो ।  इन्द्रावती–५ स्थित ऐसेलुखर्क मैदानमा भएको खेलमा आयोजकले भिमटारलाई आधा दर्जन भन्दा बढी गोल गरी विजयी हात पारेको हो ।

नवलपुरका लागि कृष्ण भण्डारीले ४ गोल, अजय तामाङले २ गोल र सुजन माझीले २ गोल गरेका थिए । आयोजक क्लबका अध्यक्ष चीन लामाका अनुसार १४ समूह सहभागी रहेको प्रतियोगिता नकाअउट्मा खेल खेलाइदैछ ।  भोलि भिमेश्वरी इन्द्रावतीविरुद्ध गोर्खाली गाइज र नवलपुर युनाइटेड(सि) विरुद्ध ओम नमोबुद्ध क्लब र चौतारा स्पोर्टिङ विरुद्ध नवलपूर युवा क्लब खेल्नेछ ।

फाइनल भने लक्ष्मीपूजाको दिन कात्तिक ३ गते हुने अयोजकले बताउनु भयो ।  खेलमा प्रथम हुनेलाइ १ लाख ५१ हजार रुपैयाँ नगद मेडल, कप र प्रमाणपत्र, दोस्रोलाई १ लाख एक हजार रुपैयाँ, मेडल, कप, प्रमाणपत्र र तेस्रो हुने टीमलाइ ५१ हजार रुपैयाँ, मेडल, कप र प्रमाणपत्र रहेको छ ।

यो जिल्लामै पहिलोपटक सर्वाधिक राशिको प्रतियोगिता भएको अयोजकको दाबी रहेको छ । जिल्लामा भएका खेलाडीहरुको प्रतिभा निखार्न र राष्ट्रिय स्तरमा परिचित गराउन उक्त प्रतियोगिता आयोजना गर्न लागेको अध्यक्ष लामाको भनाई छ ।

प्रतियोगितामा उत्कृष्ट खेलाडीलाई १५ हजार र सर्वाधिक गोलकर्तालाई १५ हजार, बेस्ट किपरलाई १० हजार र बेस्ट डिफेन्डरलाई १० हजार प्रदान गरिने छ । क्लबले यसअघि पनि लोसारको अवसर पारि प्रथम क्षेत्रीय डब्लुटिएफ टुर्नामेन्ट आयोजना गरेको थियो । क्लबले त्यसभन्दा अघि दसैंको अवसरमा प्रथम ६ नम्बर इलाका स्तरीय फुटबल प्रतियोगिता आयोजना गरिसकेको छ ।

साथै उद्घाटन म इन्द्रावती -४,५ का वडाध्यक्ष जगतमान ताल्चाभडेल ,दुर्गा बहादुर तामाङ (च्याङबा) गाउँपालिका उपाध्यक्ष मिरा लामा अधिकारी लामाको उपस्थितिमा क्लबका अध्यक्ष चीन लामा को सभापतित्व सम्पन्न भएको थियो

प्रतिकृया दिनुहोस

नवलपुर युनाइटेडले उचाल्यो उपाधि

फुलमान तामाङ, सिन्धुपाल्चोक । नवलपुर युनाइटेड क्लबले आयोजना गरेको जिल्लाकै सर्वाधिक पुरस्कार राशीको फुटबल प्रतियोगिताको...

मेयर कप भलिबलको उपाधि वडा नं ७ लाई (फोटो फिचर)

काभ्रे। जिल्लाको सदरमुकाम धुलिखेलमा भएको धुलिखेल मेयर कप वडाव्यापी पुरुष भलिबल प्रतियोगिताको उपाधि धुलिखेल वडा...

जिल्लाकै ठूलो राशीको फुटबल खेलको उपाधिको लागि आयोजक (ए) र नवलपुर युनाइटेड प्रतिस्पर्धा गर्ने

फुलमान तामाङ, सिन्धुपाल्चोक । नवलपुर युनाइटेड क्लब द्वरा आयोजित प्रथम जिल्ला स्तरीय फुटबल प्रतियोगिताको सेमिफाइनलको...

फाइनलमा नवलपुर युनाइटेड र नवलपुर युवा क्लब भिड्दै

फुलमान तामाङ । नवलपुर । प्रथम जिल्ला स्तरीय फुटबल प्रतियोगिताको फाइनलमा आयोजक नवलपुर युनाइटेड र नवलपुर...

जोरपाटी ब्याडमिन्टनको अन्तर क्लब प्रतियोगिता सम्पन्न

काठमाडाैं । जोरपाटी ब्याडमिन्टन क्लब द्वारा आयोजित अन्तर क्लब ब्याडमिन्टन प्रतियोगिता २०७४ सप्पन्न भएको छ...

पोर्चुगलले स्वीट्जरल्याण्डलाई हराउदै विश्वकपमा स्थान बनाए

काठमाडौं । युरोपियन च्याम्पियन पोर्चुगलले स्वीट्जरल्याण्डलाई हराएको छ र विश्वकपमा स्थान बनाएको छ । हार वा...