समाचार

काजलको सम्झनामा वृहत रक्तदान

काठमाडौं । बाल कलाकार काजल नेपालीको सम्झनामा राजधानीको भृकुटी मण्डपमा खुल्ला रक्तदान गरिएको छ ।

गत विहिबार अन्तर्राष्ट्रीय मैत्री बाल अस्पतालमा फ्यान्कोनी एनिमिया रोगका कारण मृत्यु भएको उनको सम्झनामा रामजी नेपाली फाउन्डेशनले वृहत रक्तदान कार्यक्रम गरेको हो ।

बाल कलाकार काजल नेपालीको आत्मले शान्ति पाओस्, भन्दै तमाम अस्पतालमा रगत नपाएर छट्पटाइ रहेका विरामीलाई रगत अभाव हुन नदिने उद्देश्यका साथ शोकलाई शक्तिमा बदल्ने कोशिस स्वरुप यो कार्यक्रमको आयोजना गरेको फाउन्डेशनका अध्यक्ष रामजी नेपालीले बताए ।

कार्यक्रममा प्रमुख अतिथि चलचित्र विकास बोर्डका सदस्य उत्तम केसीले छोरी गुमाउनुको पीडासँगै सामाजिक कार्यमा सक्रिय रामजी नेपाली फाउन्डेशनका कार्यको सहराना गरेका थिए ।

त्यस्तै नेपाल रेडक्रस सोसाइटीका तर्फबाट बोल्दै गमला क्षेत्रीले भनिन्, ‘सायद पहिलो यस्तो कार्यक्रम नै हुनुपर्छ घरमा पीडाको बेलामा पनि रक्तदान कार्यक्रम गरिएको ।’ यसबाट अन्यले पनि प्रेरण लिने उनको विश्वास थियो ।

उक्त कार्यक्रममा उज्जवल नक्षत्र समाजका कोषाध्यक्ष दृष्टिविहिन शुसिल अधिकारी, चलचित्र पत्रकार संघका उपाध्यक्ष गीता अधिकारी, नायिका सारिका घिमिरे, काजलकी माता तथा वरिष्ठ लोक गायिका कृष्णा परियार, साहित्यकार महेश प्रसाईं, मिलापका कृष्ण भुसाल, सानुकाजी श्रेष्ठ, निर्देशक देव नेपाल, वरिष्ठ नृत्य निर्देश याम गुरुङ, सह निर्देशक किशोर खतिवडा, गीतकार कृष्णराज पाण्डेय, समाजसेवी संजय श्रेष्ठ, लेखक दीपक शर्मा, कलाकार होमलाल पुन, किरण थापा, विमल बर्देवालगायतले आ–आफ्ना भनाई राखेका थिए । रेडक्रसका धना भण्डारी, राधिका कुँवर र रचना पौडेलले सहजिकरण गरेको कार्यक्रममा एक दर्जनले रक्तदान गरेका थिए ।

२०६८ साल देखी म्युजिक भिडियोहरुमा अभिनय यात्रा शुरु गरेकी काजलले पछिल्लो समय कमल खत्री र किशोरा अर्यालको गीत ‘सपना मिठो’मा अभिनय गरेकी थिइन् ।

आउन पाइन घर यो दशैमा, खोला जस्तै हो रे चोला नि, धिङ्का ताका धिन, बैश गयो हासेरलगायत आधा दर्जन म्युजिक भिडियोमा अभिनय गरेकी काजल केहि वर्षदेखी फ्यान्कोनी एनिमिया रोगसँग लडिरहेकी थिइन् ।

बिजया दशमीको दिन कान्ती बाल अस्पताल भर्ना गरी उपचार गर्दै गरेकोमा अचानक बेहोस भएपछी त्यहाँ आई. सि.यु. बेड खाली नभएपछी अन्तर्राष्ट्रीय मैत्री बाल अस्पतालमा लगि भेन्टिलेटरमा राखी उपचार गरिएको थियो जहाँ उनको विहिबार राती मृत्यु भएको थियो ।
काजल गायक तथा सामाजिक अभियन्ता रामजी नेपाली एवम् लोकप्रिय लोक गायिका कृष्णा परियारको जेठी छोरी हुन् ।

प्रतिकृया दिनुहोस

छिन्चु जाजरकोटमा बस दुर्घटना : २ मृत्यु, २२ घाइते

नेपालगञ्ज । जाजरकोटबाट सुर्खेत जाँदै गरेको बस दुर्घटना भएको छ । भने दुर्घटनामा परी २...

आज नेपाल संवत् ११३८, विविध कार्यक्रम गरी मनाइँदै

काठमाडौं । नेपाल संवत् ११३८ आज देशभर विविध कार्यक्रम गरी मनाइँदैछ । यस संवतलाई हाल नेवार...

निर्वाचनमा भाग लिन सबै दललाई प्रधानमन्त्रीको आग्रह

ललितपुर,।  प्रधानमन्त्री एवं नेपाली काँग्रेसका सभापति शेरबहादुर देउवाले आगामी मंसिर १० र २१ गते हुन...

प्रदूषणका कारण ९० लाखको मृत्यु

एउटा नयाँ अन्तर्राष्ट्रिय अध्ययनले सन् २०१५ मा विश्वभर प्रदूषणसँग सम्बन्धित ९० लाख अकाल मृत्युका घटना...

डा. केसीले १३ औं अनसन तोडे, यस्ता भए सहमति

काठमाडाैं । सरकारले अध्यादेशबाट चिकित्सा शिक्षा विधेयक ल्याउने प्रतिबद्धता जनाएपछि डा. गोविन्द केसीले १० बुँदे...

मतगणना एकैचोटि : निर्वाचन अायोग

काठमाडौं । आगामी मंसिरमा हुने प्रतिनिधिसभा र प्रदेशसभाको निर्वाचनको मतगणना एकैचोटि हुने भएको छ । निर्वाचन आयोगकाअनुसार...