फोहोरलाई मोहोरमा परिणत

आर्कषक सामाग्रीहरु बनाउँदै, आम्दानीको श्रोत बढाउँदै

फोहोरबाट विभिन्न सामाग्री बनाउने सिप सिक्दै महिलाहरु

काभ्रे । बनेपाकी उद्यमी सुभासना श्रेष्ठ फोहोरलाई कसरी मोहरमा परिणत गर्न सकिन्छ भन्ने ज्ञान र सिप सबैमा बाँडिरहेकी छिन् ।

सुभासनाको बैभव लक्ष्मी ह्यान्डीक्राफ्ट उद्योग छ । जसले फोहोरलाई मोहोरमा परिणत गरेर आर्कषक सामाग्रीहरु बनाउँदै बेचिरहेको छ । उनले भनिन्,‘फोहोरबाट राम्रो आम्दानी हुन्छ भन्ने सुन्दा धेरैलाई अचम्म लाग्न सक्छ तर फोहोरबाटै बनेपामा महिलाहरुले राम्रो आम्दानी गरिरहेका छन ।’

आम्दानीको श्रोत बन्दै फोहोर

उनको उद्योगमा   प्लास्टिकबाट ढकी बनाउने र कपडाबाट फूल बनाउने गरिन्छ । कम समयमा बनाउन सकिने हुनाले आम्दानी पनि राम्रो भइरहेको सुभासनाले बताइन् । उनका अनुसार, २ दिनमा ३÷४ वटा बनाउन सकिने ढकीको मूल्यको १ सय देखि ५ सय रुपैयाँ सम्म पर्छ ।

के के बनाउँछन त फोहोरबाट ?

घर, अफिस र पसलबाट निस्कने प्लाष्टिक र कागजहरुबाट आर्कषक सामाग्री बनाउन सकिन्छ भन्ने उदाहरण उनीहरुले दिइरहेका छन् ।
काम नलाग्ने भनेर फालिएका पोतेबाट पनि आकर्षक क्रिस्टलको ब्याग र गहना बनाउन सक्ने सिप श्रेष्ठसँग छ । यस्ता ब्याग र गहना उपहारका लागि प्रयोग गर्न सकिन्छ । उनी घरमा नै बसेर आम्दानी गर्न चाहनेले पनि राम्रो आम्दानी लिन सक्ने सुझाव दिन्छिन् । ‘बनाउन खासै गाह्रो छैन एकचोटि हेर्दैमा पनि बनाउन सकिन्छ,’ उनले भनिन्, ‘घरमा नै बसेर राम्रो आम्दानी लिन सकिन्छ ।’ थुप्रै महिलाहरुलाई यस्तो तालिम पनि दिइसकेकी छिन् ।

फोहोर चित्ना नभई आम्दानीको श्रोत

बनेपाकै मिनाक्षी रेग्मीले पनि १२ बर्षदेखि हस्तकलामा सामान बनाउदै आएकी छिन् । १२ वर्ष देखि खेलौना बनाउने काम गर्दै आएकी छिन् । रेग्मीले फोहोर चिन्ता नभइ आम्दानीको बिषय भएको बताइन् । ‘घर, अफिस र पसलबाट निस्केको फोहोर हामी आफैले व्यवस्थित गर्न सक्छौँ,’ उनले भनिन्, ‘घरमा नै बसेर आम्दानी लिन सकिन्छ ।’ रेग्मीका अनुसार,  आईसक्रिमको बट्टा , कोकको बोटल र अरु प्लास्टिकलाई संकलन गरेर फुल राख्ने अनि मन परेको रंग लगाएर आकर्षक बनाउन सकिन्छ । यसरी सजाइएको बट्टा, बोत्तलहरु उपहार दिन सकिन्छ  ।

रेग्मीले कपडा, काठ र सेरामिक पाउडर प्रयोग गरेर कृतिम पुतली बनाउँछिन् । काम नलाग्ने पुराना कपडाहरुबाट आकर्षक पुतली बनाएर १ सय देखि ५ सय सम्म बेच्छिन् । कपडा सिलाइ पसलमा खेर गएका कपडाहरु सस्तो मूल्यमा ल्याई काठको प्रयोग गरि पुतली बनाउने गरिन्छ ।

एकातिर फोहोरको व्यवस्थापन भईरहेको छ भने अर्कातिर आम्दानी र रोजगारीको अवसरहरु जुटिरहेका छन् । छिट्टै नै खेर गएका तरकारीलाई गड्यौला खेती गरि फोहोर व्यस्थापनमा सहयोग गर्ने रेग्मीले योजना सुनाइन् । यसको लागि उनले सरकारी निकाय तथा अन्य सरोकारवालाहरुको सहयोगको अपेक्षा राखेकी छिन् ।

नेपाल घरेलु तथा साना उद्योग महासंंघ काभ्रेले उद्यम बनाउन विभिन्न खाले तालिम दिइरहेको छ । महासंघको काभ्रे शाखाकी अधिकृत लक्ष्मी श्रेष्ठका अनुसार, १ सय २० उद्यमीले महासंघमा दर्ता गरी व्यवसाय सञ्चालन गरिरहेका छन् । दर्ता भएका मध्ये महिलाको सङ्ख्या धेरै छ ।

सिप सिकेपछि फोहोरलाई मोहोरमा परिणत गरेर बनाएको आर्कषक सामाग्रीहरु ।

प्रतिकृया दिनुहोस

ठोरीमा अनिश्चितकालिन रिले अनशन

img

ठोरी गाउँपालिका सेवा केन्द्रको विषयलाई लिएर माघ १५ गते भएको ठोरी गाउँ ...

सामुदायिक सारथीको महिला उत्प्रेरणा अभियान

img

सामुदायिक सारथी काठमाण्डौले नेपालका १० जिल्लामा महिलालाई जिविकोपार्जनतर्फ उन्मुख गर्न प्रेरणामुखी अभियान ...

घ्याङ डाँडामा नेपालकै सबैभन्दा अग्लो बौद्ध झन्डा फहराइयो

img

ठोरी गाउँपालिका नेपाल तामाङ घेदुङ गाउँ इकाई कमिटी निर्मलबस्ती-४ द्वारा आइतबार २८५४ औ ...

नवलपरासी पाल्हीको माटो अवैधरुपमा विक्री

img

नवलपरासीको पाल्हीनन्दन गाउँपालिकामा रहेको माछा पोखरीमा अबैध रुपमा उत्खनन गरिएको खुलासा भएको ...

प्राकृतिक स्रोत साधनको संरक्षणमा नगरपालिका, उत्खनन र अवैध कार्यमा रोक

img

नवलपरासी (बर्दघाट सुस्ता पूर्व) मध्यबिन्दु नगरपालिकाले नगर क्षेत्रभित्रका सबै प्रकारका प्राकृतिक स्रोत ...

नुवाकोटमा स्थानीय तहको शिक्षक संघ गठन

img

नेपाल शिक्षक संघ नुवाकोटको स्थानीय तहको अधिवेशन शनिबार ककनी गाउँपालिकामा सम्पन्न भएको ...

पत्रपत्रिका

सबै