दिदीले यसरी खोलिन् अाफु हिंसामा परेको पीडा..

कुरा केही दिन अघिको मात्रै हो । मेरो यात्रा काठमाडौँबाट चरिकोटसम्मको थिए । मैले यात्रा गरेको बसको सिटमा धेरै पुरुष थिए । त्यही बीचमा म एक जना दिदीसँगैको सिटमा परेछु । चिनजान गर्ने क्रममा उहाँ दोलखा कै हुनुहुँदो रहेछ ।

दिदीले मलाई आफ्नो बारेमा सबै जानकारी गरे, तर मैले भने थोरै भने । यसरी कुरा गर्दै जाँदा दिदीले मलाई बीच बाटोमा आएपछि तपाई एक्लै बसमा काठमाण्डौँदेखि आउनु भएको भन्नुभयो । मैले  किन दिदी ? बसमा पनि साथी चाहिन्छ र ? भनेर सोधेको मात्रै के थिए । उहाँले आँखाभरी आँशु पार्दै भने- हामी महिला कहाँ सार्वजनिक स्थलमा ढुक्क भएर हिड्न सक्छौ त । मलाई बसमा हिड्न पनि किन साथी चाहियाे भन्नेमा खुल्दुली लाग्याे र थप जान्ने ईच्छा भयो । मैले थप कुराकानी गर्ने कोशिष गरे ।

उहाँले यसरी पोखिन् अाफ्नो  बेलीविस्तारः

अहिले हरेक व्यक्ति, संघसंस्था सरकारी निकाय सबैको एउटै साझा उद्देश्य छ, महिला हिंसा न्युनीकरण गर्ने । तर खै न्युनिकरण ? यो प्रश्न कतिञ्जेलसम्म ठाड्याउने ?

मैले पनि धेरै पटक यसरी एक्लै हिड्ने कोसिस गरे र गर्दै पनि छु । कहिले तपाई यहाँ बस्नु भन्ने बहाना त कहिले दिदि म पनि तपाईको सिटमा बस्छु भन्ने बहानामा  हिंसात्मक गतिविध भोग्न बाध्य भईरहेको छु र  भोगी रहेको छु । बसमा यात्रा गर्दा मात्रै हैन, घर बाहिर निस्कदा पनि महिला भएको डर बोकेर निस्कनुपर्छ । पहिला मेरी आमाले पनि यस्तै हिंसा भोगी रहनु भएको थियो । आज आमाले भोगेको हिँसाको ३५ वर्षपछि म पनि भोग्न बाध्य छु । होला मेरी आमाले घर छरछिमेकी अर्काको श्रीमानको मात्रै हिँसा भोग्यो होला । तर अहिले मैले अफिस, घर, विद्यायय, पसल होटलमा पनि हिंसाको शिकारमा परेको छु । जसरी यो समाजमा पुरुष सार्वजनिक स्थलमा जाँदा पुरुषाेत्व भएको घमण्ड लिएर निस्कन्छन । हामी महिला, महिला भएको डर बोकेर निस्कनुपर्छ । फरक यही छ । पुरुषहरु गर्वकासाथ अरुलाई सुरक्षा दिन सक्छु भने घमाण्ड गर्छन् तर हामीले त्यही पुरुषबाट हिंसा गरिरहेका हुन्छन्। हामी हिंसाबाट पिडित हुँदा शिक्षित वर्गको साहारा खोज्छौं । अनि त्यही शिक्षित पुरुषबाट थप हिंसाको शिकार बन्नुपर्छ । यस्तै छन् सारा समाज । भन्दै दिदी रुनु भयो ।

वास्तवमा हामीले यस्ता धेरै हिंसा भोगिरहेका छौं । दिदी त केवल प्रतिनिधि पात्र मात्रै हुन् । दिदिसँग  मैले करिब ५ घण्टासँगै यात्रा गरे । त्यो यात्रा भरी मलाई दिदीले सार्वजनिक स्थलमा आफु हिड्दा भोगेको हिंसाको पिडा मात्रै  सुनाएन, आफुले काठमाण्डौँमा जागिर खाँदा भोगेको पिडा पनि सुनाइन् ।

दिदिले भोगेको संसार भन्दा फरक छैन मेरो आमा र आम नेपाली महिलाले भोगेको संसार भन्ने मलाई पनि लाग्यो । होला हामी कसैले धेरै त कसैले थोरै हिंसा भौगेका छौं यो समाजमा । चाहे सरकारी अफिसमा होस या सामुदायिक संघसंस्था,  होटल, पसल, घर या सवारीसाधान र विद्यालय जतातातै  हामी हिंसामा परिरहेकै हुन्छन् । पहिला महिलाहरुले घरमा हिंसा भोग्न बाध्य थिए, तर  आज महिलाले हरेक सार्वजनिक स्थल निस्कँदा महिला भएको डर बोकेर निस्कन बाध्य भएका छन् र छौं ।

नेपालमा महिला अधिकारका कुरा गर्नेको संख्या हेर्ने हो भने थुप्रै भेटिन्छन् । कुरा मात्रै हैन नेपालको संविधान २०७२ महिलाको अधिकारका कुरा मौलिक हकमा नै राखिएको छ । बलात्कार तथा महिला हिंसाको उजुरी लिन  प्रहरीको महिला सेल, महिला आयोग वा स्थानीय निकायमा पनि उजुरी गर्न सकिने व्यवस्था छ । त्यसैगरी अहिले हरेक व्यक्ति, संघसंस्था सरकारी निकाय सबैको एउटै साझा उद्देश्य छ, महिला हिंसा न्युनीकरण गर्ने । तर खै न्युनिकरण ? यो प्रश्न कतिञ्जेलसम्म ठाड्याउने ?

नेपालमा कति महिलाहरुले हिँसा न्युनीकरणका भएको महशुस गर्न पाएको होला ? त्यो पनि कसैले महसुस गर्न पाएका छैन । नेपालमा महिला हिंसा न्युनीकरणको लागि सरकारले बजेट छुट्याएर, सुचनामार्फत प्रचारप्रसार गरेपनि अझै न्युनिकरण भएको छैन । बरू दिनानुनदिन बलात्कार, हिंसाका समाचार अइरहेकै छन् । महिलाहरूले हिजो पनि हिंसा भोगी रहेका थिए, आज पनि भोगी रहेकै छन् । फरक भोगाई मात्रै हो।

प्रतिकृया दिनुहोस्

काठमाडौमा नै निकुञ्ज  पीडित

img

वनस्पति, वन्यजन्तु, भूदृश्यहको संरक्षणका लागि स्थापना भएका राष्ट्रिय निकुञ्ज का नीतिहरु नागरिकमैत्री ...

शैलुङको कोसेली छुर्पी

img

यो गीतको सिर्जना गर्दा सर्जक श्रवण मुकारुङले सायदै सोचेका थिएनन् । गीतमा ...

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

पत्रपत्रिका

सबै