पार्किङ गर्न अटेर गर्नेलाई नयाँ नियम

| पाँचथर

पाँचथरको फिदिम नगरपालिका वडा नम्बर २ स्थित पल्लोटारमा गत मंसिर २९ गते नयाँ बसपार्क उदघाटन गरिएको भएपनि यातायात व्यवसायीले सवारीसाधन पार्किङ गर्न अटेर गरेका छन् ।

सदरमुकाम फिदिम बजारमा यात्रु ओराल्ने र चढाउने बानी परेका यातायात व्यवसायीहरुले बसपार्कमा पार्किङ गर्न अटेर गरिरहेका हुन् । नयाँ वसपार्कमा यातायात व्यसासायीले सवारी साधन पार्किङ गर्न अटेर गरेपछि फिदिम नगरपालिकाले नयाँ नियम लागु गरेको छ । यातायात व्यवसायीले आवश्यक पूर्वाधार सहितको नयाँ वसपार्कबाट यात्रु चढाउनेओराल्ने र पार्किङ गर्ने नगरेपछि नगरपालिकाले बिहीबारदेखि नयाँ नियम लागु गरेको हो । विहिबार बसेको नगरकार्यपालिकाको बैठकले वसपार्क कार्यान्वयनका लागि पाँच वटा निर्णय गरेको छ ।

उक्त निर्णयमा फिदिम बजारभित्र अवैध रुपमा वस तथा ट्याक्सी टिकट काउण्टर सञ्चालन गरेको पाइएमा उक्त सञ्चालकलाई कारबाही गरिने भएको छ । यसरी बजारभित्र अवैध रुपमा काउन्टर सञ्चालन गर्नेलाई पहिलोपल्ट पाँच सय, दोस्रोपल्ट एक हजार र त्यसपछि हरेकपल्ट पाँच हजार रुपैंयाँ जरिवाना गरिने निर्णय गरिएको छ । त्यस्तै यात्रुबाहक सवारी साधन फिदिम बजारभित्र ३० मिनेट मात्र राख्न पाइने भएको छ । ३० मिनेटभन्दा बढी समय बजारभित्र राखिएको पाइएमा त्यस्ता सवारी साधनलाई पनि माथि उल्लेख भए अनुसारकै जरिवाना गरिने नगर कार्यपालिकाले गरेको निर्णयमा उल्लेख छ ।

यसैबीच फिदिम बजारभित्र यात्रु चढाउन र ओराल्नका लागि सवारी साधनलाई चार स्थान तोकिएको छ । अब सावारी साधनले फिदिम बजारको हाहालगैरी, मेनरोडस्थित लक्ष्मी बैंक अगाडि, शनिबारे चोक र जिल्ला अदालत छेउको बरडाँडामा मात्र यात्रु चढाउन र ओराल्न पाउँनेभएका छन् । यो नियम उलङ्घन गर्ने सवारी साधनलाई पनि माथि उल्लेख गरिए बमोजिम नै कारबाही गरिने बताइएको छ । त्यस्तै सवारी साधनले वसपार्कबाट लिनुपर्ने इन्ट्रि पासलाई समेत कडाइका साथ लागु गर्ने निर्णय गरिएको नगरपालिकाले जनाएको छ ।

प्रतिकृया दिनुहोस्

भागेर बाँचे : सीता

img

कपडाले अनुहार छोपेर आएका केही व्यक्तिले सबैलाई धारिलो हतियारले प्रहार गरे । ...

उपाध्यायका उपन्यास र एल्बम विमोचित

img

गीतकार एवं उपन्यासकार डा. डीआर उपाध्यायका एक उपन्यास र तीन गीति एल्बम ...

स्वयंसेवकको चोक अभियान चावहिलमा

img

देशमा भइरहेको हरेक गलत क्रियाकलाप विरुद्ध राष्ट्रिय स्वयंसेवकको चोकचोकमा आन्दोलन निरन्तर भइरहेको ...

विदुरमा उज्यालो अन्धकारमाथि चर्चा

img

उज्यालो अन्धकार निबन्ध संग्रहमाथि शनिबार सचेतन हल विदुरमा अन्तरसंवाद भएको छ । नुवाकोट ...

टनगम क्लबद्वारा रक्तदान सम्पन्न

img

टनम युवा क्लबले काठमाडौ जोरपाटीमा रक्तदान कार्यक्रम सम्पन्न गरेको छ । सिन्धुपाल्चोक लिसंखुपाखर ...

सर्लाहीमा पनि धर्ना, के छ विधेयकमा ?

img

नेपाल पत्रकार महासंघले देशभर प्रदर्शन गरेको मिडिया काउन्सिल सम्बन्धी विधेयकको विरोधमा सर्लाहीमा ...

पत्रपत्रिका

सबै