सिभिल सहकारी डुब्ने खतरामा, एकै व्यक्तिलाई ७ अर्बभन्दा माथि ऋण प्रवाह

सहकारीमा राखेको धितो पनि अरु नै वित्तीय संस्थामा धितोबन्धक

| काठमाडौं

काठमाडौंको सोल्ठीमोडमा रहेको सिभिल सेभिङ एण्ड कोअपरेटिभ डुब्ने खतरामा देखिएको छ । कुनै ग्रुपद्धारा प्रबद्र्धन भनी लेख्न नपाईने सहकारी नियमनलाई समेत मिचेर यो सहकारीले सिभिल ग्रुपद्धारा प्रबर्दित भनेर लेख्ने गरेको छ । यिनै प्रबर्दित ग्रुपलाई देखाएर यो सहकारीले बजारमा रकम उठाउँदै आएको छ ।

यो सहकारीमा लगानीकर्ताले जम्मा ३१ करोड २४ लाख रुपैयाँ सेयर लगानी गरेका छन् । आर्थिक वर्ष ०७४, ७५ को अन्तिम लेखा परीक्षाअनुसार ७ अर्ब ५१ करोड रुपैया निक्षेप गरेको छ । यो निक्षेप २ हजार ६ सय ९० बचत सदस्यबाट उठाएका हुन् । यी संकलित रकम एउटै व्यक्तिबाट प्रबर्दित सिभिल ग्रुपभित्र सिभिल होम्स प्रालि, सिभिल अर्पार्टमेन्ट प्रालि, सिभिल इस्टेट प्रालिमा लगानी गरेको छ । यो ग्रुप इच्छाराम तामाङद्धारा संचालित छ । तामाङद्धारा संचालित यो ग्रुपलाई लेखा परीक्षण अनुसार सात अर्ब ४३ करोड रुपैयाँ ऋण सहकारीले लगानी गरेको छ । सहकारीको कूल पूजीकिोषको १० प्रतिशतभन्दा बढी कर्जा एकै व्यक्तिलाई दिन नपाउने नियम छ । यो नियमलाई उल्लंघन गर्दै सिभिल सहकारीले सतप्रतिशत लगानी एकै व्यक्तिमा गरेको हो । 

संस्थाका वर्तमान अध्यक्ष केशवलाल श्रेष्ठका अनुसार यी कर्जा इच्छाराम तामाङ यो सहकारीको अध्यक्ष रहेको बेला प्रवाह भएको हो । इच्छाराम तामाङले सहकारीमा ऋण लिँदा धितोमा राखिएको सिभिल होम्स प्रालिको नाममा रहेको काठमाडौंमा ६ रोपनीमा बनेको संयुक्त लक्जरी आवास अन्य वित्तीय संस्थामा ऋण लिनसमेत धितोका रूपमा प्रयोग गरिएको छ । यसरी अन्य वित्तीय संस्थाले धितो लिँदा त्यस्ता संस्थाले सिभिल सेभिङ एन्ड कोअपरेटिभलाई १९ करोड ३५ लाख रुपैयाँ सुरक्षण दिएका छन् । एक ठाउँबाट ऋण लिँदा धितोमा प्रयोग गरिसकिएको धितो बन्धकी कसरी अन्य बैंक÷वित्तीय संस्थाले ऋण दिँदा स्वीकार गरे भने प्रश्न उब्जिएको छ ।

यसअघि गुण कोअपरेटिभ लगायत ठूला भनिएका सहकारीहरु यस्तै प्रवृत्तिको लगानीले बिग्रिएको थियो । अहिलेसम्म ती संस्थाका बचतकर्ताको ११ अर्ब रुपैयाँभन्दा बढी बचत गुमाएका छन् । 

प्रतिकृया दिनुहोस्

कैलाशको लागि नाका बन्यो रसुवागढी

img

कैलाश मानसरोवर जान छोटो दूरीको लागि हिजोआज रसुवागढी हुदै जाने बाटो बढी ...

रानीपौवामा ५ दिने कृषि मेला सुरु

img

नेकपाका अध्यक्ष पुष्पकमल दाहाल ‘प्रचण्ड’ ले समृद्धिको आधार कृषि भएकाले यसलाई आकर्षक ...

पर्यटन प्रवद्धनका लागि सरसफाई

img

पर्यटन प्रवद्र्धनका लागि स्वच्छ वातावरणका साथै सफा र स्वच्छ रसुवा हाम्रो अभियानलाई ...

पर्यटन प्रबर्द्धनका लागि कोञ्ज्योसोम यात्रा

img

आन्तरिक तथा बाह्य पर्यटन प्रवद्र्धन गर्ने उद्देश्यले कोञ्ज्योसोम गाउँपालिकाले दुई दिने पदयात्रा ...

ककनीमा कृषि प्रदर्शनी मेला हुने

img

तत्कालीन एकिकृत नेकपा (माओवादी) का नेता पोष्टबहादुर बोगटीको स्मृतिमा कृषि प्रदर्शनी मेला ...

सान्जेनले २०७७ भित्र विद्युत उत्पादन गर्ने 

img

विविध कारणले ढिलाई भईरहेको सान्जेन जलविद्युत आयोजनाले आगामी २०७७ असोजभित्र विद्युत उत्पादन ...

पत्रपत्रिका

सबै