त्रिशुली ३ बिको शिलान्यास

| रसुवा

३७ मेगावटको माथिल्लो त्रिशुली ३ बी जलविद्युत आयोजना २५ महिनाभित्र बिजुली उत्पादन हुनेगरी आइतबार शिलान्यास भएको छ ।

नेपाल विद्युत प्राधिकरण र नेपाल दुरसंचार कम्पनीको मुख्य लगानीमा नुवाकोट किस्पाङ ५ मा बन्न लागिएको हो । अनुमानित निर्माण लागत रु सात अर्ब ४४ करोड र निर्माण अवधिको प्रक्षेपित ब्याज रु ७८ करोड रहेको आयोजनामा ३० प्रतिशत इक्विटी (दुई अर्ब ४७ करोड) र ७० प्रतिशत ऋण (पाँच अर्ब ७६ करोड)बाट लगानी जुटाइएको छ । आयोजनामा नविल बैंकको अगुवाइमा गठन भएको सह–वित्तीयकरणमार्फत ऋण लगानी हुनेछ । प्रवद्र्धक कम्पनी र बैंकबीच २०७५ भदौ ४ मा ऋण सम्झौता भइसकेको छ ।आयोजनाबाट सुख्खायाममा (मङ्सिर १६ देखि जेठ १५ सम्म) १३ करोड ४८ लाख ८० हजार र वर्षायाममा (जेठ १६ देखि मङ्सिर १५ सम्म) १५ करोड ७७ लाख १० हजार युनिट विद्युत् उत्पादन हुनेछ । आयोजनाबाट उत्पादन हुने विद्युत् खरिद–बिक्रीका लागि प्राधिकरणसँग २०७५ भदौ ६ गते विद्युत् खरिद–बिक्री सम्झौता (पिपिए) भइसकेको छ ।

आयोजना २०७७ फागुनमा सक्ने लक्ष्य लिइएको छ । उर्जा, जलस्रोत तथा सिंचाइ मन्त्री बर्षमान पुनले आयोजना शिलान्यास गरेका हुन् । विद्युत् बिक्रीबाट वार्षिक करिब १ अर्ब ८९ करोड रुपैयाँ आम्दानी हुने कम्पनीका प्रबन्ध–सञ्चालक मोहन गौतमले जानकारी दिए । आयोजनाको विद्युत् गृहबाट करीब ३ किलोमिटर प्रसारण लाइनमार्फत त्रिशूली ३ बी हब सब–स्टेसनमा जडान गरी राष्ट्रिय प्रसारण लाइनमा पठाइनेछ ।

नुवाकोट र रसुवाको सीमानामा बन्न लागिएको उक्त आयोजना इन्जिनियरिङ, खरिद तथा निर्माण मोडलमा बन्ने भएको हो । चिनियाँ कम्पनी सिचुआन एएनएचई हाइड्रोइलोक्ट्रिक ईन्जिनियरिङसँग २०७४ माघ २९ गते ठेक्का सम्झौता भएको थियो ।

कम्पनीमा रसुवा तथा नुवाकोटका गाउँपालिका र नगरपालिकाको ५ प्रतिशत, रसुवा तथा नुवाकोटका स्थानीय वित्तीय संस्थाको ५ प्रतिशत, रसुवा तथा नुवाकोटबासीको १० प्रतिशत, सर्वसाधारणको १५ प्रतिशत र प्राधिकरण तथा टेलिकमका कर्मचारीको ५ प्रतिशत शेयर रहने छ ।

प्राधिकरणका कार्यकारी निर्देशक कुलमान घिसिङले ठेकेदार कम्पनीले ३ हजार ८ सय मिटर सुरुङ खन्ने , विद्युतगृह , सर्जबैंक लगायतका संरचना निर्माण गरिने बताए ।

प्रतिकृया दिनुहोस्

भूकम्पको धक्का, नौबिसे केन्द्र

img

काठमाडौं उपत्यकामा लगायतका स्थानमा बिहानै भूकम्पको धक्का महशुस भएको छ । भूकम्पको धक्का ...

रसुवामा सुन वरामद

img

  उत्तरी नाका रसुवागढी वाट लुकाई छिपाई अवैध रूपमा नेपाल भित्र्याएकाे सात केजी ...

साना लगानीका संचारमाध्यमले गरे पन्ध्र बुँदे घोषणापत्र जारी

img

साना लगानीका सञ्चारमाध्यमको प्रवद्र्धनमा स्थानीय तहको भूमिका विषयक एक दिने प्रदेशस्तरीय कार्यक्रम ...

प्रज्ञामा पुस्तक प्रदर्शनी  शुरू

img

नववर्ष तथा विश्व पुस्तक दिवसका अवसरमा आइतवारदेखि नेपाल प्रज्ञा–प्रतिष्ठानमा पुस्तक प्रदर्शनी सुरु ...

भन्सार छलीको मोबाइल बरामद, रिहा गर्न राज्यमन्त्रीको दवाव 

भन्सार छली गरी ल्याउँदै गरेको लाखौको मोवाईलसहित एक जनालाई सशस्त्र प्रहरीले नियन्त्रणमा लिएको छ । प्रविन परियारले साढे तीन लाख बराबरको मोबइल भारतबाट भन्सार छली गरेर ल्याउँदै गरेको अवस्थामा सशस्त्र प्रहरीले ...

बौद्ध तेमाल जात्रामा पानी र जुस नि:शुल्क

img

काठमाडौको बौद्ध तेमाल जात्रामा पानी र जुस नि:शुल्क वितरण गरेको छ । ...

पत्रपत्रिका

सबै