ल्होछारमा डम्फूरे, सेलो, म्हेन्दोमाया

| दक्षिण कोरिया
तस्वीर फाइल

दक्षिण कोरियामा हुने सोनाम ल्होछार सांगीतिक कार्यक्रममा डम्फूरे, सेलो, म्हेन्दोमाया र मौलिक नृत्यमा झुम्न सक्ने भएको छ ।

नेपाल तामाङ सघं, दक्षिण कोरियाको आयोजनामा फेब्रुअरी ४ मा हुने सोनाम ल्होछार सांस्कृतिक तथा सांगीतिक कार्यक्रममा नेपालबाट आमन्त्रित कलाकारको साथै यहाँ रहेका कलाकारहरुको मौलिक तथा आकर्षक प्रस्तुतिसँग रमाइलो लिन सक्ने सोनाम ल्होछार मुल आयोजक समितिले जनाएको छ । यसपालि डम्फूरे, सेलो, म्हेन्दोमाया र मौलिक नृत्य हुने हुँदा पृथक र धेरै मनोरञ्जन हुने आयोजक समितिका संयोजक मेघप्रसाद वाइबा तामाङले जानकारी दिए । उनका अनुसार कार्यक्रमको आन्तरिक तयारी सकिएको बताए ।

मध्यान्ह १२ बजेबाट शुरु हुने कार्यक्रमको शुरूवातमा लामा गुरुहरुबाट लामा बिधिबाट पूजापाठपछि औपचारिक कार्यक्रम हुने संयोजक तथा अध्यक्ष वाइबा तामाङले बताए । औपचारिक कार्यक्रममा ढ्वा/फाग् ल्हो सोनाम ल्होछारको (नयाँ बर्ष) शुभकामना आदानप्रदान हुनेछ । औपचारिक कार्यक्रम सकिएलगतै भरपुर मनोरञ्जनका लागि ल्होछार सांगीतिक कार्यक्रम शुरु हुने उनले बताए । कार्यक्रममा विभिन्न बिधामा संस्थाले पाँच जनालाई सम्मान पनि गर्ने भएका छन् ।

ल्होछार सांगीतिक कार्यक्रमको लागि नेपालबाट ताम्बा डम्फूरे धावावाङ्गेल लामा मोक्तान, संगीतकार एवं गायक टीका बम्जन, गीतकार एवं गायक फूलकुमार बम्जन, गीतकार एवं गायक जीवन बम्जन, संगीतकार एवं गायक जोगलाल लामा र सेलो तथा म्हेन्दोमाया गायिका बिना घले आउने भएका छन् ।

सांस्कृतिक कार्यक्रममा कोरियामै रोजगारीको सिलसिलामा बस्दै आएका सेलो तथा आधुनिक गायक अमन थिङ, युनिक दोङ, राज ब्लोन, ज्ञान लामा, भवस्बी बम्जन, जापानबाट आउने गायिका परस्वती लामा, सञ्जय तामाङ, नीरु लामा र रहर तामाङले गाउने छन् भने मनिराज लामा, कला घलान, रमण पाख्रिन, डेलिना ब्लोन र कमला थोकरको नृत्य रहनेछन् ।

प्रतिकृया दिनुहोस्

जापानमा शान्ति पदयात्रा

img

२५६३ औं बुद्व जयन्तीको अवसर पारेर गैरआवासीय नेपाली संघ (एनआरएनए) ले शान्ति पदयात्रा ...

नेपाल भ्रमण बर्ष २०२० प्रचारप्रसार, कोरियामा हाइकिङ

img

भिजिट नेपाल २०२० को प्रचारप्रसार तथा प्रवद्र्धनको लागि कोरियामा रहेका नेपालीले हाइकिङ ...

पारिवारिक समाजले मनाए चैते दशैसँगै नव वर्ष

img

पारिवारिक समाज नेपाल साउदीले नयाँ वर्षसँगै चैते दशै मनाइएको छ । समाजले बिहीबार ...

मे १२ मा बुद्ध जयन्ती मनाउने, धर्मगुरूबाट प्रवचन

img

गत बर्ष झै सउल नेपाल गुम्बा दक्षिण कोरियाले २५६३ औं बुद्ध जयन्ती ...

दुबईमा डम्फू साँझ सम्पन्न

img

डम्फू साँझ समिति युएईले "पहिलो डम्फू साँझ-२०१९ वृहत साँस्कृतिक कार्यक्रम सम्पन्न गरेको ...

सयुक्त राष्ट्रसंघको अधिवेसनमा नेपाली चेली जोलीको सम्बोधन

img

न्युयोर्क स्थित राष्ट्र संघको मुख्यालयमा नेपाली चेली जोली अमात्यले सयुक्त राष्ट्रसंघको ७३ ...

पत्रपत्रिका

सबै