आठराईका पशुपालकलाई आम्दानीको नयाँ बाटो

| तेह्रथुम

तेह्रथुमको आठराई गाउँपालिका वडा नम्बर–४ इवामा गत माघ ५ गतेदेखि डेरी उद्योग सन्चालमा आएको छ । इवाका नारायण ढुंगाना र इलामका लाक्पा शेर्पाको संयुक्त पहलमा पञ्चकन्या डेरी उद्योग सञ्चालनमा ल्याइएको हो । डेरी उद्योगले अहिले दैनिकजसो ७० देखि ७५ लिटरसम्म दुग्ध संकलन गर्दै आएको छ । संकलित दुग्ध प्रशोधन गरी घ्यू र छुर्पी उत्पादन गर्दै आएको डेरी सन्चालक नारायण ढुंगानाले बताए । आजभन्दा ६ वर्ष अघिदेखि इवाकै बोगटी चोकमा लाक्पा शेर्पाले पन्चकन्या डेरी उद्योग सञ्चालन गर्दै आएका थिए । व्यवसाय विस्तार गर्दै शेर्पाले पशुपालक कृषकको माग अनुसार इवाको तल्लो भेगमा शाखा विस्तार गरेको बताए । डेरी सञ्चालन भएसँगै इवाको भानु,सिम्ले लगायतका किसानले दुग्ध विक्रिको लागि बजार पाएका छन् । अहिले डेरीमा इवाको सिम्ले, ढुङगे, भानु लगायत गाउँबाट मोटरसाइकलको प्रयोग गरी दुग्ध संकलन गर्दै आएको सञ्चालक ढुंगानाले बताए । ढुंगानाले बताए अनुसार दुधको मूल्य प्रतिलिटर ३० देखि ४५ को दरमा किसानले प्राप्त गर्दै आएका छन् ।

डेरी सञ्चालनको सुरुवातमा १५ लिटरसम्म संकलन हुँदै आएको तर आजभोलि दैनिक ७५ लिटर संकलन हुँदै आएको छ । इवाका पशुपालक किसान भीम पाठक ठुला जातका जर्सी गाई र भैँसी पाल्छन् । उनको घरमा दैनिक १० लिटर दुध जम्मा हुन्छ । उनले आजभोलि दैनिक रुपमा १० लिटर दुध डेरी पुर्याँउदै आएका छन् । गाई भैँसी पाल्न प्रसस्तै घाँस दाउरा भएको तर दुग्ध बेच्ने ठाउँ नपाइरहेको अहिले डेरी सञ्चालनमा आएपछि दुध विक्रि हुँदा खुसी लागेको उनले बताए । अहिले उनले दैनिक रुपमा अन्य किसानलेभन्दा धेरै दुध बिक्रि गर्दै आएका छन् । पहिले पहिले गाई भैसी पालेर पनि दुग्धबाट एक रुपैँया नलिने पाठकले अब मासिक १४ हजार रुपैयाँ समाउने भएका छन् ।

डेरी सञ्चालनमा पनि जति धेरै दुग्ध संकलन हुन्छ त्यति व्यवसाय गर्न सहज हुने सञ्चालक ढुंगानाले बताए । डेरिजन्य सामाग्रीको लागि बजार अभाव नरहेको तर दुग्ध संकलनका लागि जनशक्ति अभाव रहेको बताएका छन् । अहिले उनीहरू दुई जनाले मात्र डेरीमा काम गर्दै आएका छन् । दुग्ध संकलनका लागि ढुंगाना आफै जाने गरेका छन् । अब छिट्टै विश्वासी कर्मचारीको व्यवस्थापन गरेर एउटा गाडी सञ्चालनमा ल्याउने सोच बनाएको सञ्चालक ढुंगानाले बताए ।

गाडी सञ्चालनमा ल्याएसँगै दुग्ध संकलनको लागि इवादेखी ह्वाकु,छातेढुँगाको टुडिखेल,अर्चले,डाँडागाउँसम्म जाने तयारी गर्दै गरेको सन्चालक ढुंगानाले बताए । गाईभैँसीको दुध दुहुन जान्ने तर पैसा लिनबाट बन्चित रहेका त्यहाँका किसानहरुले बजार पाउने आशा जुटेको छ । अहिलेसम्म पनि अर्चले, होडा, टुडिखेल लगायतका पशुपालक किसानहरू गाईभैँसी पालेर आम्दानी लिनबाट बन्चित छन् ।

आठराईको गाउँ गाउँमा कच्चि सडक सञ्जालले छोएको छ । उन्नत जातका गाईभैँसी टाढाबाट ढुवानी गर्न पनि त्यति असहज भने छैन ।

लोकल जातका गाइभैँसी पालेर पनि मासिक १५ हजारसम्म आम्दानी लिन सक्ने सम्भावना भएका यहाँका किसानले दुध विक्रिका लागि बजार पाउने भएपछि उन्नत जातका गाई भैँसी पाल्न अग्रसर हुने सम्भावना छ । गाईभैँसीको दुग्धबाट पैसा लिन थालेसँगै किसानको लागि आम्दानीको नयाँ बाटो खुलेको छ ।

प्रतिकृया दिनुहोस्

एक हातमा ३ महिने बालिका, अर्को हातमा किताब

img

पढ्न, लेख्न र ज्ञानगुनको कुरा सिक्न उमेरले छेक्दैन, मात्र आफ्नो इच्छा आकांक्षा ...

आन्दोलन निर्णायक हुन्छ : नेता लिङ्देन (भिडियो)

img

आदिवासी जनजाति, मधेश, दलित लगायतको पहिचानको मागलाई सम्बोधन गर्ने हो भने संविधानको ...

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

नेपालीले बजार पाएन, अर्बाैको स्याउ भित्रिए

img

नेपालभित्र हुने उत्पादन वस्तुलाई प्राथमिकता दिनको सट्टा विदेशबाट आयात गरेर खाइरहेको छन् ...

रंगीनमय बन्दै गाउँ

img

भूकम्पपछि पुननिर्माणका अधिकांश घरमा जस्तापाता हालेपछि ग्रामीण भेग रङ्गिएका छन् ।  झट्ट हेर्दा ...

पत्रपत्रिका

सबै