कोरियाको सोनाम ल्होछारमा दर्जनौ कलाकारसँग ल्होछारप्रेमी झुम्ने

ल्होछारलाई बिधिगत र सांस्कृतिक एवं सांगीतिक रुपमा मनाउँने भब्य तयारी

| दक्षिण कोरिया

तामाङहरुको सांस्कृतिक पर्व सोनाम ल्होछारको अवसरमा हुने कार्यक्रमका लागि आधा दर्जन सेलो कलाकार, ताम्बा डम्फूरे र म्हेन्दोमाया कलाकार कोरिया ल्याउने भएका छन् ।

नेपाल तामाङ संघ दक्षिण कोरियाको आयोजनामा फेब्रुअरी ४ तारिकमा (माघ २१ गते) हुने बृहत सांस्कृतिक एवं सांगीतिक कार्यक्रममा ६ जना तामाङ कलाकार नेपालबाट ल्याउने आयोजक नेपाल तामाङ संघ कोरियाले निर्णय गरेको छ । कार्यक्रममा तामाङ र सेलो क्षेत्रमा गायन गर्दै आएका नेपालबाट ल्याउने ६ जनासँगै कोरियामा बस्दै आएका कलाकारसँग ल्होछारप्रेमी झुम्ने भएका छन् ।

ल्होछार सांगीतिक कार्यक्रमको लागि नेपालबाट संगीतकार एवं गायक टिका बम्जन, गीतकार एवं गायकद्धय फूलकुमार बम्जन र जीवन बम्जन, संगीतकार एवं गायक जोगलाल लामा, सेलो तथा म्हेन्दोमाया गायिका बिना घले र ताम्बा डम्फूरे धावा वाङ्गेल लामा मोक्तान ल्याउने भएको आयोजक संस्था संघले जनाएको छ । संघका वरिष्ठ उपाध्यक्ष एवं कलाकार व्यवस्थापक संयोजक रबि लामाको अनुसार अहिले भिसा प्रोसेसिङको काम भइरहेको छ, कलाकारको भिसा लागेपछि मात्र यहाँ आउने स्वीकृत हुने बताए । उनले भने- सबै कलाकारको भिषा लागे धुमधाम रमाइलो हुनेछ ।

ल्होछार मुल आयोजक समितिका संयोजक तथा संघको अध्यक्ष मेगप्रसाद वाइबा तामाङले ल्होछार कार्यक्रमको बारे केही हप्तामा पत्रकार सम्मेलन गरि ल्होछार, कार्यक्रम तयारी र कलाकार बारे जानकारी दिने बताए । उनले भने - यसपालि सांस्कृतिकसँगै सांगीतिक कार्यक्रममा ल्होछारप्रेमी दर्शक झुम्न पाउने छ । `यो ल्होछारमा तम्बा डम्फूरे कलाकार पनि ल्याउने भएको छ, बिगतको भन्दा बृहत र पृथक हुनेछन्´, उनले थपे `तामाङ पुस्तक, भेषभुषा (तामाङ गोइलो), तामाङ मौलिक बाजा डम्फू र तामाङ खाना परिकार प्रदर्शनीमा राख्नेछ ।´

ल्होछार सांस्कृतिक तथा सांगीतिक कार्यक्रममा तामाङ समुदायको पहिचानको शक्ति प्रदर्शन हुने संघका सचिव अमिर योञ्जनले बताए । उनका अनुसार त्यसदिन ताम्बा डम्फूरे, लामा लगायत आम सहभागीहरुसँग सांस्कृतिक र्‍याली हुने बताए । उनले भने- `आफ्नो कला संस्कृतिको संरक्षण सम्बर्द्धन गरौं, ताम्सालिङ प्राप्तिको अभियानमा अघि बढ्औं, सोनाम ल्होछार मनाऔं´ भन्ने मुल नाराका साथ एकै स्थानमा रमाइलोसंगै बिधिगत रुपमा ल्होछार मान्ने छ ।´ सचिव योञ्जनले भने `सोनाम ल्होछारको प्रवर्द्धनसँगै हाम्रो सांस्कृतिक पहिचानलाई स्थापित गर्न सबै उपस्थिति हुँदै भब्य रुपमा मनाउनु पर्ने बेला हो ।´

कोरियामा रोजगारीको सिलसिलामा बस्दै आएको सेलो तथा आधुनिक गायक अमन थिङ, गायिका परस्वती तामाङ, सेलो गायक युनिक दोङ, सेलो गायक राज ब्लोन, ज्ञान लामा, भवश्बी बम्जन, प्रेमा लामा र मनिराज लामाको आकर्षक डान्स हुनेछन् ।

प्रतिकृया दिनुहोस्

कोरियामा नेपाल आइडल आउँदै

img

नेपाल आइडल दोस्रो सिजनका बिजेताहरुको बेजोड प्रस्तुति फेब्रुअरी ५ गते कोरियामा हेर्न ...

रियादमा सोनाम ल्होछार मनाइयो

img

साउदीमा २८५५ औं सोनाम ल्होछार तथा बृहत सांस्कृतिक कार्यक्रम सम्पन्न भएको छ । जनवरी १८ ...

मृतकको परिवारलाई एनआरएनए साउदीद्वारा आर्थिक सहयोग

img

गैर आवासीय नेपाली संघ क्षेत्रीय समन्वय समिति जेद्दा साउदीले मृतकको परिवारलाई आर्थिक ...

विश्वकर्मा समाज साउदीको प्रथम वार्षिकोत्सब सम्पन्न

img

एकीकृत नेपाल राष्ट्रिय विश्वकर्मा समाज साउदीले प्रथम वार्षिकोत्सब सम्पन्न गरेको छ । समाजले ...

साउदीमा एक नेपालीले गेरे आत्महत्या

img

वैदेशिक रोजगारीका सिलसिलामा साउदी आएका एक नेपालीले आत्महत्या गरेको छ । जेद्धास्थित इनिसियल ...

जापानमा 'सेर्कु' प्रदर्शनको तयारी

img

तामाङ चलचित्र 'सेम ताबा म्ही' ले अमेरिकाको भएको "फेडरेशन अफ इन्डिजेनस पिपुल्स ...

पत्रपत्रिका

सबै