शोकमा सिसिपु, अझै ओभाएका छैनन् आँशु (भिडियो/फोटो)

| नुवाकोट

नुवाकोटको दुप्चेश्वर गाउँपालिका वडा नं. १ को अन्तिम गाउँ हो, सिसिपु । यस बस्तीमा विभिन्न समय कालखण्डमा आपतविपतका घट्नाहरू बराम्बार घटिरहेका छन् ।

सदरमुकाम विदुरदेखि ५० किलोमीटर पूर्व विकट गाउँ घोप्टेभिरको काखमा अवस्थित छ । यसै गाउँको शिरमा १९९२ मा थाई विमान दुर्घटना हुँदा १ सय १३ जनाले ज्यान गुमाए ।

२०७२ सालको भूकम्पको पीडा त यस बस्तीले भुलेकै छैन । अहिले यो गाउँ शोकमा डुबेको छ । मंसिर २८ गते घ्याङडाँडामा मिनिट्रक दुर्घटना भयो । सडकबाट करिब ५ सय मीटर भीरबाट खसेको मिनीट्रक खोलामा पुगे । वडा नं. ७ सेम्थाङमा आफन्तको घेवा सकेर फर्किर्दै गर्दा दुर्घटना भएको हो । दुर्घटनाले अकालमै २१ जनाको ज्यान लिए भने १३ जनालाई घाइते बनाए ।

घाइते बिरबहादुर तामाङका अनुसार गाडी खस्यो, खस्यो... भन्ने मात्रै थाहा भयो, एकैचोटि सात मीटर तल ढुङ्गाको चेपमा पुगेछ, उनले त्यसदिनको सम्झना सुनाए । गाडीभन्दा अगाडि नै भीरको चेपमा खसेछ, त्यसपछि माटो धुलोले पुरिएछ, त्यसैमा होस गुमेछ । केही थाहा भएन ।

त्यसैगरी घाइते माइला तामाङले पनि आफूलाई झाडीले बचाएको बताए । भीरको पाखाबाट बिस्तारै केही पर पुगेपछि वेहोस भयो, उनले सुनाए ।

त्यसैगरी छोरा गुमाएका आमाको आँशु रोकिएन र रोकिनेवाला पनि थिएन । आफूले छोरा गुमाउँदाका त्यो दिन दिउसै निष्पट अँध्यारो देखेर होस गुमाइन् । उनीले संसारबाटै एक्लो महसुस मात्र गरिनन्, आफूसमेत जिउँदो लास भएको महसुस गरिन् । भावविह्वल हुँदै आँशुको धारामा हिक्कहिक्क गरी सुनाइन् ।

पुष १४ गते शनिबार दुप्चेश्वर गापाका जनप्रतिनिधिसहित नेपाली कांग्रेसका नेता रामेशकुमार महत, तरुण दल क्षेत्रीय अध्यक्ष यदुमान,वडा नं. ३ का वडाध्यक्ष धुव्रकर केसी लगायतका नेताहरू त्यहाँ पुग्दा सिसिपुका आँखा रसाएका थिए । कसरी सहनु, त्यो क्षण । दैवले एकैदिन टुहुरा र विधुवा बनाएका थिए ।

त्यस्तै गाउँपालिका उपाध्यक्ष अञ्जु आचार्यलै ९ महिनाका सानो नानीलाई बचाउन सफल भएको बताइन् । अहोरात्र खटेर सबै बिरामीलाई चाँडै उद्धार गरेको बताइन् । आफ्नै आँखा अगाडि धेरैले ज्यान गुमाएको प्रत्यक्ष पहिलो पटक देखेको उनले सुनाइन् ।

गाउँपालिका अध्यक्ष योविन्द्रसिंह तामाङका अनुसार भौगोलिक अवस्थाका कारण घाइतेहरूलार्इ बचाउन नसकिएको बताए । एक जना घाइते बीच बाटैमा मृत्यु भएको थियो । स्थानीय सरकारको हैसियतले उनले प्रति मृतकका परिवारलाई २५ हजारका दरले राहत दिएका छन् ।

त्यस्तै नेपाली कांग्रेसका महासमिति सदस्य रमेशकुमार महतले यो सडकको ग्रेड नमिलेको बताए । सडकको अवस्थाले गर्दा आज यो पीडा भोग्नुपरेको छ । अब खन्ने बाटोहरू सडक विभागको मापदण्ड अनुरुप हुनुपर्ने बताए । फेरि दोहोर्याएर यस्तो घटना हुन नदिउँ- उनले भने ।

सरोकारवाला र जनसमुदाय बेलैमा सचेत हुन जरुरी छ । नत्र यस्तो नियति बराम्बार भोग्नुपर्नेछ । यी आमा दिदीबहिनीहरुको आँशु अझै ओभाएका छैनन् ।

प्रतिकृया दिनुहोस्

रंगमय होली

img

देशभर फागु पूर्णिमाको उल्लास छाइरहेको छ । चिसोलाई विदाई गर्मीलाई स्वागत गर्दै ...

फिल्डमा उत्रिए धुर्मुस सुन्तली

img

धुर्मुस सुन्तली रंगशालाको काममा ब्यस्त छन । धुर्मुस सुन्तली फाउण्डेसनले निर्माण गर्न ...

नेपालीले बजार पाएन, अर्बाैको स्याउ भित्रिए

img

नेपालभित्र हुने उत्पादन वस्तुलाई प्राथमिकता दिनको सट्टा विदेशबाट आयात गरेर खाइरहेको छन् ...

रंगीनमय बन्दै गाउँ

img

भूकम्पपछि पुननिर्माणका अधिकांश घरमा जस्तापाता हालेपछि ग्रामीण भेग रङ्गिएका छन् ।  झट्ट हेर्दा ...

महिला भल्मन्सालाई चूनौति र अवसर

img

सीता चौधरीले गोदावरी नगरपालिका–८ जोनापुरमा भल्मन्सा (सामाजिक नेता) भएको तीन वर्ष भयो ...

चौथो वर्षमा हामी

img

सैलुङअनलाइन आजबाट चौथो वर्षमा प्रवेश गरेको छ । २०७२ साल टे (प्र)े ...

पत्रपत्रिका

सबै