सम्पत्ति हत्याउने खेलमा बाबु छोराकै पटकपटक मृत्यु दर्ता

| काठमाडौं

मान्छेको मृत्यु भएपछि सम्बन्धित मृतकका परिवारले एक पटक मात्र मृत्यु दर्ता बनाउन पाउने नियम छ । तर, सिरहा जिल्लाको लहान नगरपालिका, १२ मा एक मृतक व्यक्ति बाबु छोराको फरक फरक मिति राखेर मृत्यु दर्ता प्रमाण पत्र बनाएको भेटिएको छ ।

साविकको पडरिया गाविस, ८ मा पर्ने पाँचु फनैत थारुको नाममा फरक मिति राखेर तीन पटक मृत्यु दर्ता गरिएको खुलेको हो । वडा नं. १२ को कार्यालयमा रहेको अभिलेखअनुसार २४ मंसिर २०४७ मा मृत्यु दर्ता प्रमाणपत्र जारी गरिएको देखाएको छ । जसमा उनकी पत्नी जोखनी चौधरीको समेत मृत्यु भएको भन्ने आधार रहेको छ । उक्त प्रमाणपत्रमा उनको मृत्यु ८ मंसिर २०४४ मा भएको उल्लेख छ ।

किशोरकुमार चौधरी सूचक रहेको अर्को मृत्यु दर्ता २५ वैशाख २०४९ मा जारी भएको छ । यस प्रमाणपत्रमा पाँचुको ७४ वर्षको उमेरमा १५ वैशाख २०४७ मृत्यु भएको उल्लेख गरिएको छ । यस्तै १७ चैत २०५१ मा जारी मृत्यु दर्ता प्रमाणपत्रमा ६५ वर्षको उमेरमा २ मंसिर २०४४ मा मृत्यु भएको उल्लेख गरिएको छ ।

सम्पत्ति हत्याउने खेल

मृतकका आफन्तको भनाई अनुसार पाँचुको मृत्यु ८ मंसिर २०४४ मा भएको हो । उनकी पत्नी जोखनी सूचक रहेको २४ मंसिर २०४७मा तत्कालीन गाविस कार्यालयबाट जारी मृत्यु दर्ता प्रमाण पत्र नै सहिरहेको परिवारको दाबिरहेको छ ।

पूर्व पश्चिम सडकअन्तर्गत भोटिया टोलमा पाँचुको नाममा रहेको एक अर्बभन्दा बढीको सम्पत्ति हत्याउन उनको मृत्यु दर्ता बारम्बार भएको आफन्तले जनाएको छ । उनको नाममा करिब चार बिघा जग्गा हत्याउन माफियाले पाँचु फरक फरक मितिमा मृत्यु दर्ता निकालेको परिवारले जनाएको छ । माफियाले नक्कली मृत्यु दर्ता बनाएर केही जग्गा नामसारी गरेको परिवारजनले बताए पनि कुनै तथ्य फेला पार्न सकेको छैन ।

छोराको दुई मृत्यु दर्ता

मृत्यु भइसकेको पाँचुको सम्पत्तिको हकवाला कान्छो छोरा लालबिहारी चौधरीको समेत दुई वटा मृत्यु दर्ता बनाएको अभिलेखमा भेटिएको छ । जोखनी थरुनी सूचक रहेको मृत्यु दर्ता २८ चैत २०५८ मा जारी गरिएको छ । यस मृत्यु दर्तामा ३ वैशाख २०४७ मा मृत्यु भएको जनाएको छ ।

उनको अर्को मृत्यु दर्ता १७ चैत २०५१मा जारी भएको देखाएको छ । यस प्रमाण पत्रका अनुसार लालबिहारीको ५ माघ २०४३मा मृत्यु भएको उल्लेख छ । उनको मृत्यु ३ वैशाख २०४७मा भएको परिवाजनको बताएका छन् ।

एकै जनाको हस्ताक्षर

तत्कालीन पडरिया गाविसबाट जारी गरिएको पाँचु र उनको छोराको मृत्यु दर्ता प्रमाण पत्रमा तत्कालीन सचिव शोभितलाल चौधरीले स्थानीय पञ्जिकाधिकारीका रुपमा हस्ताक्षर गरेका छन् । वडा नम्बर १२का वडाध्यक्ष बद्री चौधरीले एकै व्यक्तिको फरक मिति उल्लेख गरी मृत्यु दर्ता प्रमाण पत्र लिएको अभिलेख भेटिएको बताए ।

लालबिहारीको नाममा समेत फरक फरक मितिमा प्रमाण पत्र लिएको भेटिएपछि पाँचुको तीन वटा मृत्यु दर्ता प्रमाणपत्र बनेको खुलेको वडाध्यक्ष चौधरीले बताए । पाँचुको नाममा भोटियाटोल चोक वरपर करिब चार बिघा जग्गा रहेकाले माफियाले तीन वटा प्रमाणपत्र बनाएको हुन सक्ने भन्दै छानबिन हुनु बताएको छ ।

मृत्यु दर्तामा स्थानीय पञ्जिकाधिकारीको रुपमा हस्ताक्षर गरेका तत्कालीन गाविस सचिव शोभितलालले कार्यालयमा भीडले अभिलेख भीडाउन नपाएकाले यस्तो भएको बताए । २०६३ वैशाखमा अवकाश पाएका उनले कुनै प्रलोभन र दबाबमा नरहेको बताउँदै अरुले फाइदा उठाएको हुन सक्ने बताए । जिल्ला प्रशासन कार्यालय सिरहाका प्रमुख जिल्ला अधिकारी रुद्र प्रसाद पण्डितले फरक फरक मितिमा मृत्यु भएको विषयमा पत्र काटेर आवश्यक छानबिन भइरहेको बताए ।

प्रतिकृया दिनुहोस्

रसुवाबासी चिन्तित

img

रसुवामा बाँदरले बालीनाली नोक्सान गर्न थालेपछि किसानहरु चिन्तित बनेका छन् ।  दक्षिणी रसुवाका ...

३ किलो चरेश सहित पक्राउ

img

धादिङवाट काठमाडौ आउदै गरेको वा २ ख २९४७ नम्बरको यात्रुबाहक बसबाट प्रहरीले ३ ...

मदिरा बनाउने सामाग्री बरामद

img

काठमाडौं महानगरपालिका वडा नं. ६ स्थित नागेश्वर गल्लीबाट अवैध घरेलु मदिरा बनाउने ...

खैरो हिरोईन सहित एक पक्राउ

img

काठमाडौंं महानगरपालिका महाबौद्धबाट लागूऔषध खैरोहिरोईन सहित एक जनालाई पक्राउ गरेको छ । महानगरीय ...

विद्यालय आँगनमै तर विद्यार्थी सदरमुकाम धाउदै

img

गोसाईकुण्ड गाउँपालिका वडा नम्बर ६ भिमली आधारभुत विद्यालय घरको आँगनमा भएपनि सदरमुकाम धाउन ...

पर्यटन बर्ष घोषणा गरिने

img

गोसाइकुण्ड गाउँपालिकाले सन् २०१९ लाई गोसाइकुण्ड लाङटाङ पर्यटन वर्ष घोषणा गर्ने भएको ...

पत्रपत्रिका

सबै