स्व. भिमबहादुर तामाङको शालिक, छ्योर्तेनको अनावरण

| काठमाडौं

बरिष्ठ प्रजातन्त्रवादी नेता स्व. भिम बहादुर तामाङ एक सच्चा देश भक्त, समाजवादी, सादा जीवन र उच्च विचारका धनी र कर्मथ योद्धा थिए । उनले जीवनमा कहिल्यै पनि व्यक्तिगत सम्पत्ति र विलासितामा ध्यान दिएनन् । जसको ज्वलन्त उदाहरण हुन्, उनको परिवार र जीवनशैलीले बताउँछ । जहिले पनि राष्ट्रका लागि सोच्ने र चिन्तन गर्ने व्यक्तिका रुपमा तामाङलाई लिइन्छ ।

नेपाली कांग्रेस पार्टीका श्रद्धेय नेता एवं नेपाली लोकतान्त्रिक आन्दोलनका अथक योद्धा तामाङको छैठौ स्मृति दिवसमा शालिक, छ्योर्तेन र पुर्खानको अनावरण गरियो ।

राष्ट्रिय सभा अध्यक्ष गणेशप्रसाद तिमिल्सिनाले एक कार्यक्रमबीच स्व. तामाङको स्वयम्भुमा शालिक, छ्योर्तेन, र पुर्खानको अनावरण गरिएको हो ।

तत्कालीन पर्यटन तथा संस्कृति मन्त्री आनन्दप्रसाद पोखरेलले करिब ६० लाख निकासापछि यो कार्य सम्पन्न भएको सांसद जिपछिरिङ लामाले बताए ।

कार्यक्रम नातिनी सुमिका पाख्रिनको अध्यक्षतामा सम्पन्न भएको हो ।

देशमा प्रजातन्त्र स्थापना र पुनस्र्थापनाको लामो र वलिदानपूर्ण संघर्षमा स्व. तामाङले पुर्याएको योगदान नेपाली जनसंघर्षको इतिहासको एक अविष्मरणीय अध्याय भएर रहनेछ ।

दोलखाको तामाकोशी गाउँपालिका–२, साविकको झुले–७ मा वि.सं. १९९० असारमा जन्मिएका तामाङ वि.सं. २०६९ मंसिर १६ मा स्वर्गरोहण भएका थिए । उनले वि.सं. २००८ देखि २०१८ सम्म गाउँकै जनप्रभात माविको संस्थापक र अध्यापन गरेका थिए ।

तस्विर : बसन्तराज कार्की फेसबुक

राजनीतिक यात्रा

उनी वि.सं. २००७ सालको क्रान्तिसँगै शिक्षण तथा राजनीति पेशामा संलग्न थिए । तामाङ वि.सं. २०१४ सालमा नेपाली कांग्रेस महाधिवेशनको प्रतिनिधि भएर उभिए । वि.सं. २०१७ सालमा प्रजातन्त्र खोसिएपछि प्रजातन्त्र प्राप्तिको निमित्त क्रान्तिमा सक्रियता भएर अघि बढे । उनलार्इ २०१८ भदाैमा पक्राउ परी जेलको यातना दिए ।

त्यसैगरी वि.सं. २०२० पश्चात निर्वासन तथा भूमिगत अवस्थामा सशस्त्र क्रान्तिको अगुवाइ भएर काम गरे । वि.सं. २०३० मा फेरि उनलार्इ काठमाडाैंबाट पक्राउ गरियो । वि.सं. २०४५ सालदेखि २०६९ सम्म नेपाली कांग्रेस केन्द्रीय कार्यसमिति सदस्यमा निरन्तर रहिरहे । उनले वि.सं. २०६७ को नेपाली कांग्रेसको महाधिवेशनमा केन्द्रीय सभापतिको उम्मेदवारमा भाग लिएका थिए ।

वि.सं. २०५१ को संसदीय निर्वाचनमा दोलखा जिल्ला क्षेत्र नं. १ बाट प्रतिनिधिसभा सदस्यमा निर्वाचित भएका थिए । उनी वि.सं. २०५२ मा गठित मन्त्री परिषदमा कानून तथा न्याय मन्त्री भएका थिए । त्यस्तै वि.सं. २०६३ मा पुनस्र्थापित संसदमा संसद सदस्य बनेका थिए ।

निरंकुश राजतन्त्रको खिलापमा अनेक दुःख र कष्ट सहेर स्व. तामाङले अनवरत रुपमा संघर्ष गरिरहे र लामो समयसम्म निर्वासन र पटक-पटक जेलको यातना खेपेका थिए ।

पार्टीको केन्द्रीय कार्यसमितिमा तथा मन्त्री पदमा रही उनले राष्ट्र, जनता, लोकतन्त्र र संसदीय परम्पराको हितमा उल्लेखनीय योगदान पुर्याएको थियो ।

प्रतिकृया दिनुहोस्

पाँचथरमा पनि आज ६९ औं प्रजातन्त्र दिवस

img

६९ औं प्रजातन्त्र दिवस पाँचथरमा पनि विविध कार्यक्रम गरी मनाइएको छ । ...

सम्झना र सम्मानमा प्रजातन्त्र दिवस : प्रधानमन्त्री ओली

img

प्रधानमन्त्री केपी शर्मा ओलीले आज गौरवमय दिनको सम्झना र सम्मानमा हामीले हरेक ...

शाहीको आमसभा राजा अाउने घोषणा

दरबार निकट संघ, संस्थाहरु पछिल्लो समय बिभिन्न गतिविधिहरुमा सक्रिय हुन थालेका छन् । यसै क्रममा शनिबार शाही युवा शक्ति नेपाल ललितपुर जिल्ला कार्य समितिको आयोजनामा ललितपुर, लगनखेल बसपार्कमा बृहत आमसभा ...

सरकारले वाक स्वतन्त्रताको रक्षा गर्न सकेन : प्रवक्ता शर्मा

img

पशुपति शर्माको गीत लुट्न सके लुट...ले बालुवाटार हल्लिदा एकाएक गीत हटाउन बाध्य ...

प्रधानमन्त्रीको वाक्य हास्यास्पद : गगन थापा

img

नेपाली कांग्रेसका युवानेता गगन थापाले प्रधानमन्त्री केपी शर्मा ओलीले ‘म भ्रष्टाचार गर्दिन ...

प्रधानमन्त्री ओलीले सुदूरपश्चिम प्रदेश सभालाई सम्बोधन गर्ने

img

प्रधानमन्त्री केपी शर्मा ओलीले सुदूरपश्चिम प्रदेश सभालाई सम्बोधन गर्ने भएका छन् । तीन ...

पत्रपत्रिका

सबै