छातेढुङ्गाका किसान खुसी

| पाँचथर

तेह्रथुमको आठराई गाउँपालिका साविक छातेढुङ्गाका धनबहादुर तामाङलाई पिठ्यूँमा भारी बोक्दाको पीडा अझै झलझली छ । तमोर पारी सिंगापुर बजारमा ६ घण्टाको उकाली ओराली पार गरेर नून चामल बोकी ल्याउँदा अनि आफूले फलाएको अन्न बेच्न जाँदाको विगत सम्झन्छन् । भाल्टाङ भुल्टुङ छोराछारी साना सानै थिए । आफ्नो पाखो,बारीमा खेती लगाइन्थ्यो मंसिर लागेपछि दाल,मस्याम त १०/१२ मन थन्क्याइन्थ्यो । तर बेच्नु पर्दा बजार टाढा जानु पर्थ्यो,विगतलाई सम्झँदै तामाङ भलाकुसारी गर्छन् । यातायातको सुविधा आएपछि दाल मस्याम टिप्न नपाइ पेच्की लिएर व्यापारीहरू आउँदा धन प्रसाद अचम्मै पर्छन् । गत साल ५ क्वीन्टल बेचेका उनले यसपाली पनि ४ क्वीन्टेल मस्याम मात्र बेचेको बताए ।

३ वर्ष पहिलेसम्म धनप्रसाद जस्तै आठराई तेह्रथुमको छातेढुङ्गा, टुडीखेल, अर्चले, माझीगाउँ, होडा, तिनसल्ले लगायत ठाउँका किसानहरू आफूले फलाएका अन्न बेच्न पाँचथरको फिदिम,भालुचोक, सिंगापुर बजारसम्म पुग्नपर्थ्यो । वर्षभरी खेतीको काम गर्यो, मंसिरमा अन्न थन्क्याएपछि पैसा साँट्न गाउँका सबै भारी बोक्नेको लर्को लागेर जान्थे । तर अहिले गाउँ गाउँमा यातायातको सुविधा पुगेपछि त्यो दुःख घटेको छ । यातायातको सुविधा पुगेसँगै आम्दानी मुख्य स्रोत नै खेतीपाती भएका किसानहरुलाई किनबेच गर्न सहज भएको छ । दाल, मस्याम,कोदो बेचेर घरव्यवहार आएका किसानहरू अहिले घर घरबाटै व्यापारीलाई बेच्न पाउँदा दङ्ग छन् । यति बेला छातेढुङगा,इवा लगायत गाउँमा उत्पादित दाल, मस्याम, गहत, टमाटर, अदुवा, अम्लिसोबाट राम्रो आम्दानी हुन थालेको छ ।

पहिले यातायातको सुविधा नहुँदा उत्पादित अन्नबाली त्यसै खाको खायो बचेको वर्षौ राख्दै आएका थिए । अहिले मस्यामको मूल्य प्रतिकेजी ८५ रुपैयाँ छ । छातेढुङ्गाका खुद्रा व्यापारीहरुले गत साल १८ पिकअपसम्म उठाएका थिए भने यसपाली पनि १५/१६ पिकअप उठाउने अनुमान लगाइएको सोही ठाउँका व्यापारी धनबहादुर योञ्जनले बताएका छन् ।

प्रतिकृया दिनुहोस्

जसको त्रास र डरमा छन् गाउँ

img

माथि डाँडा, तलतिर खोला बग्ने खहरे । जहाँ हिउँद होस् या बर्खा, ...

माथिल्लो त्रिशूली-१ आयोजना निर्माण हुने संकेत

img

माथिल्लो त्रिशूली १ (२१६ मेगावाट) जलविद्युत आयोजना बन्ने संकेत मिलेको छ । ...

लोपोन्मुख चेन क्षेबा लोक नाटक सम्पन्न

img

गोसाइकुण्ड गाउँपालिका वडा नं. ५ ठूलो भार्खु गाउँमा लोपोन्मुख चेन क्षेबा लोक ...

नेपाल-भोट युद्धको किल्ला रसुवागढी

img

रसुवागढी प्राचीनकालदेखि नेपाल र भोटबीच चल्ने व्यापारिक मार्गको रुपमा रहिआएको छ । ...

आदिवासी अधिकारको आधारशीला

img

आदिवासी जनजातिका अधिकारलाई सहज र सुव्यवस्थित बनाउन नेपाल सरकारले विभिन्न अन्तर्राष्ट्रिय कानूनहरुको ...

आज देव अवतरण महोत्सव (ल्हाबब दुछेन)

img

शान्तिका महानायक भगवान् शाक्यमुनि बुद्धले सत्वहरूलाई दुःखको भाव सागरबाट मुक्त गराउनको लागि ...

पत्रपत्रिका

सबै