गायक शेर्पालाई ‘लाइफ टाइम एचिभमेन्ट अवार्ड’

| काठमाडौं

‘झस्केर दुःख्छ यो मुटु मेरो उसैको यादमा ...।’ लगायत दर्जनौ गीतका सर्जक लाक्पा शेर्पा ‘लाइफ टाइम एचिभमेन्ट अवार्ड’ले सम्मानित भएका छन् । शेर्पा कलाकार संघले राजधानीमा विशेष समारोह आयोजना गरी बरिष्ठ गायक शेर्पालाई सम्मानित गरेको हो । 

कला, संगीतको माध्यमबाट शेर्पा समुदायमा मात्रै नभएर सिंगो कलाकारिता जगतमै उदाहरणीय बनेका भन्दै शेर्पालाई सम्मान गरेको जनाएको छ । लामो समयदेखि संगीत कर्ममा लागेका शेर्पा गीतसंगीतका माध्यमबाट निरन्तर साधनारत छन् । 

दीपावलीको अवसरमा शुभकामना आदनप्रदानसहित आयोजना गरिएको कार्यक्रममा देउसी भैलोका साथमा आपतकालीन कोष निर्माण लगायत उद्देश्यले आयोजना गरिएको हो ।

कार्यक्रममा बोल्दै ओखलढुंगा कलासहित्य समाज काठमाडौंका अध्यक्ष गम्बु शेर्पाले समुदायका अगुवाहरुले कलाकारिताको महत्व र कलाकारलाई चिन्न नसकेको भन्दै दुःखेसो व्यक्त गरे । कलाकारहरू समाज रुपान्तरणको दह्रो खम्बा भएपनि त्यसबारे अगुवाहरू नै अनविज्ञ रहेको उनको गुनासो छ । कलाकारलाई सम्मानका साथै सहयोगले उनीहरू निरन्तर साधनामा लाग्न सक्ने उनको भनाइ थियो । त्यस्तै, नेपाल शेर्पा संघका अध्यक्ष इन्जिनिएर एडी शेर्पाले संस्थाको दीर्घजीवनको कामना गरे । संस्थाहरू जन्मिने र सेलाउने क्रमले राम्रो सन्देश नगएको उनको भनाइ छ । त्यस्तै, महिला संघका अध्यक्ष ङिमी शेर्पाले २१ औं शताब्दीमा पनि नारी पुरुष बराबरी हुनुपर्ने कुरा उठाइरहनुपर्ने वाध्यत्मक अवस्थाले लज्जित बनाएको टिप्पणी गरे । नयाँ संविधान जारी भई कार्यान्वयनमा रहेको अवस्थामा समनताको लागि नारा लगाउँदै सडकमा कुर्लिनुपर्ने अवस्थाले राम्रो सन्देश नजाने र समानताको लागि सम्मानजनक व्यवहार जरुरीरहेको जनाए । 

आपतकालीन कोषका लागि चर्चित गायक गम्बु शेर्पा, नेपाल शेर्पा संघका अध्यक्ष आङ दोर्जी शेर्पा लगायतले आर्थिक सहयोग घोषणा गरे । त्यस्तै, नेपाल शेर्पा महिला संघका अध्यक्ष ङिमी शेर्पा, बाह्रविसे नगरपालिकाका मेएर ङिमा फिन्जो शेर्पा लगायतले शुभकामना व्यक्त गरे । राष्ट्रियगानका रचयिता व्याकुल माइलाको प्रमुख आतिथ्यमा भएको कार्यक्रममा शेर्पा कलाकारहरुले आफ्नो प्रस्तुति दिए । कार्यक्रममा देउसीबाट संकलित रकम कलाकार आपतकालीन कोष स्थापना गर्ने सचिव दावा के शेर्पाले जानकारी दिए । डिजे ङवाङ शेर्पाको अध्यक्षतामा भएको कार्यक्रम ल्हामु शेर्पाले सञ्चालन गरे । कार्यक्रममा नेपाल आदिवासी जनजाति महासंघका पूर्व महासचिव आङकाजी शेर्पा किसान लगायत विभिन्न संघसंस्थाका प्रतिनिधिहरुको बाक्लो उपस्थितिरहेको थियो । 

कार्यक्रममा समाजमा ख्याती कमाएका र योगदान दिएका व्यक्तित्वहरुलाई सम्मान पत्र समेत प्रदान गरेको कोषाध्यक्ष जाङमु इनन शेर्पाले जानकारी दिए । कार्यक्रम शेर्पा पार्टी प्यालेश जोरपाटीमा आयोजना भएको थियो ।

प्रतिकृया दिनुहोस्

विद्यालयमा शेर्पा भाषा 

img

खिजिकाती–९ स्थित छेर्मादिङ पात्लको शिवालय माविमा शेर्पा भाषाको शिक्षण शुरु गरेको छ ...

तामाङ डाजाङ १८ बर्षमा

img

तामाङ डाजाङ १८ बर्षमा प्रवेश गरेको छ । २०५८ माघ पहिलो हप्ता ...

छ्योइफेलिङ गोन्पामा प्राणप्रतिष्ठा सम्पन्न

img

छ्योइफेल कुन्देलिङ गोन्पाको ह्राप्ने (प्राण प्रतिष्ठा) र छेवाङ पुजा सम्पन्न भएको छ ...

जनजाती महासंघमा युगेल शेर्पा

img

नेपाल आदिवासी जनजाति महासंघ दक्षिण कोरियाका अध्यक्षमा युगेल तेन्ढुप शेर्पा चयन भएको छ ...

मातृभाषाबारे गोष्ठी

img

अन्तर्राष्ट्रिय आदिवासी मातृभाषा वर्ष २०१९ को सन्दर्भमा राजधानीमा कार्यक्रम आयोजना भएको छ ...

घेदुङले गरे समीक्षा

img

संघीय सरकारले सबैको अपनत्व हुने गरी ल्होछारको सार्वजनिक विदा दिने पहलकदमीमा लागेको ...

पत्रपत्रिका

सबै